Bıylǵy qajylyq 17 shildede bastalyp, 22 shildege deıin jalǵasady.
Saýd Arabıasynda ıslam musylmandarynyń qajylyǵy senbide koronavırýs ınfeksıasynyń taralýyn boldyrmaýǵa baǵyttalǵan qatań shekteýler jaǵdaıynda bastaldy, dep habarlaıdy Almaty-akshamy.kz TASS saıtyna silteme jasap.
17 shilde kúni bastalǵan qajylyq shildeniń 22-sine deıin jalǵasady. Ekinshi jyl qatarynan bul rásimge basqa elderdiń turǵyndary qatysa almaıdy. Qajylyqqa elde bekitilgen vaksınalarmen koronavırýsqa qarsy eki ekpeni de alǵan 18 ben 65 jas aralyǵyndaǵy koróldiktiń 60 myń azamaty men turǵyny qatysady.
Bıyl qajylar sany 10 myń adam qatysqan aldyńǵy jylmen salystyrǵanda áldeqaıda kóp. Koróldik bıligi bes kúndik qajylyqqa qarsy jańa sharalardyń arqasynda, 2020 jyldaǵydaı, koronavırýs týǵyzǵan aýrýdyń aldyn alýǵa bolady dep úmittenedi.