Qazaqstanda medıtsınalyq kolledjderge túsu úshín ekí pánníń bírínen arnaıy emtıhan engízíldí, dep habarlaıdy aqshamnews.kz
Endí būl stomatologıya men ortopedıyadan basqa barlyq medıtsınalyq mamandyqtarǵa túsushíler úshín míndettí bolady (oqu túríne qaramastan – 9 nemese 11 synyptardyń negízínde).
Emtıhan beıíndík pánder boıynsha bazalyq bílímdí, sondaı-aq talapkerdíń motıvatsıyalyq deńgeıín baǵalaudy qamtıdy.
"Memleket basshysy jarıyalaǵan jūmysshy mamandyqtar jyly sheńberínde bíz orta medıtsınalyq bílím alatyn mamandardy dayarlau sapasyna qoıylatyn talaptardy arttyramyz. Motıvatsıya men daıyndyqty baǵalaudyń bíryńǵaı tásílí esebínen túsu kezínde ádílettílík qamtamasyz etíledí. Būl qoǵamnyń medıtsınalyq kadrlardy dayarlau júıesíne degen senímín arttyrudyń alǵashqy qadamy", – dep atap óttí Densaulyq saqtau mınıstrlígí.
QR Densaulyq saqtau mınıstrlígí QR Oqu-aǵartu mınıstrlígímen bírlesíp talapkerler men olardyń ata-analaryn qabyldaudyń jańa sharttarymen mūqıyat tanysuǵa jáne arnaıy emtıhanǵa aldyn ala daıyndaluǵa shaqyrady.
Qosymsha aqparat, tapsyrma úlgílerí, emtıhan kestesí jáne ótu erejelerí resmı saıttarda, oqu oryndarynyń aqparattyq júıelerínde qoljetímdí.