Jas kúıshí Tımurlan Vasılev juyrda jańa belestí baǵyndyrdy. 17 mausymda Túrkıya elíníń Stambul qalasynda 7-10 jas aralyǵyndaǵy balalar arasynda dombyradan ótken Halyqaralyq baıqaudan gran-prı ıeleníp qaıtty. Onyń kóp balanyń íshínen jūldyzyn jaqqan «Sekírtpe» (avtory Abdulhamıt Raıymbergenov) men «Erke sylqym» (avtory Ábdímomyn Jeldíbaev) kúılerí boldy.
Qazaqshasy sudaı toǵyz jastaǵy Tımurlan Almatydaı alyp shaharda dúnıege kelgen. Dombyrada sheber oınaıdy. Áke-sheshesí de ónerlí jandar. Anasy Shohnoza Qūrbanova – halyqaralyq dárejedegí sport sheberí, álem, Europa jáne basqa da halyqaralyq jarystardyń bírneshe dúrkín jeńímpazy jáne júldegerí. Búgínde «Sportty damytu dırektsıyasynda» sportshy-nūsqaushy bolyp eńbek etíp júr. Ákesí Valerıı Anatolevıch te sportshy. Su asty sporty jáne qazírgí bessaıystan Qazaqstan Respublıkasynyń eńbek síńírgen jattyqtyrushysy. Ol da «Sportty damytu dırektsıyasynda» su asty sportynan aǵa jattyqtyrushy bolyp eńbek etedí.
Osyndaı jandardan tuǵan kíshkentaı Tımurlan turaly áńgíme típtí bólek. Ol juyrda megapolıstegí №183 jalpy bílím beretín mekteptíń 2 A synybyn úzdík bítírdí. Orys balasy qazaq synybynda oqıdy.
Úsh jasynan berí ata-anasynyń tobynda júzumen aınalysyp keledí. Osynau kíshkentaı baldyrǵan Qazaqstannyń Ánūranyn shetel tórínde bírneshe márte jelbírettí. Máselen, byltyr Taılandta ótken balalar arasyndaǵy halyqaralyq turnırde Phuket ózenínde júzuden 100 m qashyqtyqta jeńímpaz atanyp, jeńísíne oraı Qazaqstan Respublıkasynyń Ánūrany shyrqaldy. 4*50 m estafetasynda da taǵy da jeńís úshín elímízdíń Ánūrany sharyqtady.
Tımurlan júzumen aınalysqan tórt jyly íshínde bas-ayaǵy 22 medal jeńíp alǵan.
Kíshkentaı bolsa da úlken de auyr medaldardy kóteríp júrgen keudelí, jaqsylyqqa ūmtylyp júretín, jańashyldyqqa qūmar Tımurlan bıyl ekínshí jyl «Robototehnıka» studıyasynda oqyp jatyr. Tyńnan túren salyp, jańalyqtar ashqysy keledí. Ol qazírdíń ózínde «legodan» robottar, túrlí kólíkter, qaıyqtar, ǵımarattar jáne basqa da fantastıkalyq jobalar qūrastyra bíledí.
Jan-jaqty bala janyna qazaqtyń qońyr dombyrasyn da serík etken. Tórínde ata-anasy alyp bergen dombyrasy tūrady. Quanǵanda nemese sál jabyrqap qalsa, dombyrasynyń qūlaq kúıín keltíríp, kúı tógetíní bar. 2021-2023 jyldar aralyǵynda respublıkalyq jáne qalalyq dombyra baıqaularynyń bírneshe dúrkín jeńímpaz atandy.
Bárekeldí! Qazaq elínde qazaqsha bílím alyp, qazaqtyń qasıettí dombyrasyn serík etken baldyrǵanǵa sáttílíkter tíleımíz.