Búgin Astanada Qazaqstan Respýblıkasy Konstıtýsıasynyń 30 jyldyǵyna arnalǵan «Konstıtýsıalyq reforma jáne BAQ damýy» taqyrybynda dóńgelek ústel ótti, dep habarlaıdy aqshamnews.kz
Dóńgelek ústel barysynda BAQ-tyń konstıtýsıalyq reformany ilgeriletýdegi róli, halyqtyń quqyqtyq saýattylyǵyn arttyrý, memleket pen qoǵam arasyndaǵy dıalogty qalyptastyrý máseleleri talqylandy.
Prezıdent Qasym-Jomart Kemeluly Toqaev atap ótkendeı: «Qoǵamnyń quqyqtyq mádenıetin arttyrý – Ádiletti Qazaqstan qurýdyń negizgi alǵysharty». Osy baǵytta Konstıtýsıalyq Sot pen «Bas redaktorlar klýby» arasyndaǵy memorandým erekshe mańyzǵa ıe. Bul – BAQ arqyly halyqqa konstıtýsıalyq quqyqtardy túsindirýdiń jańa kezeńin ashady. Aldymyzda turǵan basty mindet – quqyqtyq mádenıeti joǵary, óz quqyǵyn biletin jáne ony qorǵaı alatyn qoǵam qalyptastyrý. Bul mindetti júzege asyrýda memleket pen azamattyq qoǵam, sonyń ishinde BAQ ortaq jaýapkershilikti bólisedi.”-dedi QR Parlament Senatynyń depýtaty, Bas redaktorlar QB prezıdenti B. Jeksenbaı.
«Konstıtýsıalyq reforma bul tek quqyqtyq júıedegi ózgerister ǵana emes, sonymen qatar demokratıalyq qundylyqtardy nyǵaıtý. Bul rette BAQ erekshe rólge ıe, sebebi olar qoǵamǵa reformalardyń mánin túsindirip, onyń nátıjelerine degen senimdi qalyptastyrady», dedi QR Parlament Májilisiniń depýtaty, «Halyqaralyq zańgerler qaýymdastyǵy» QB prezıdenti Marat Bashımov.
Dóńgelek ústelge qatysqan Respýblıkalyq zań konsýltanttary palatasynyń tóraǵasy Serik Aqylbaı da huqyqtyq saýattylyqty arttyrý máselelerine keńinen toqtaldy.
Qatysýshylardyń aıtýynsha, reformalardyń mán-maǵynasyn keń aýdıtorıaǵa jetkizýde jáne demokratıalyq prosesterge degen senimdi nyǵaıtýda BAQ basty qural bolyp tabylady.
«Halyqaralyq tájirıbege júginsek, damyǵan elderde (Germanıa, Kanada, Japonıa, Skandınavıa memleketteri) quqyqtyq mádenıet mektepten bastap qalyptasady. Azamattarǵa qoljetimdi aqparattyq resýrstar, zańgerlik konsýltasıalar, onlaın servıster arqyly quqyqtyq qoldaý kórsetiledi. BUU men EQYU-nyń usynymdarynda da halyqtyń quqyqtyq bilimin arttyrý – turaqty damýdyń negizgi faktory retinde belgilenge», dep atap ótti Bıbigúl Jeksenbaı.
«Alataý aqparat» medıa holdıńiniń bas dırektory Erjan Qalymbaıuly otandyq jýrnalıserge quqyqtyq medıa saýattylyqqa arnalǵan oqý sabaqtarynyń kóp bolýy artyqshylyq etpeıtigien erekshe atap ótti. Spıkerler BAQ qyzmetiniń quqyqtyq negizderin nyǵaıtý, olardyń jaýapkershiligi men táýelsizdigi, azamattyq qoǵam ınstıtýttarymen ózara is-qımyl máselelerine erekshe nazar aýdardy.
«Azamattyq aláns» ZTB atqarýshy dırektory Nuras Eraly; QR Mádenıet jáne aqparat mınıstrligi Aqparat komıteti tóraǵasynyń orynbasary Álisher Muqajan; «Abaı» telearnasynyń dırektory Erkin Muhamedjanov, «Qazaq gazetteri» JSHS bas dırektorynyń orynbasary Qambar Ahmetov; «Bas redaktorlar klýbynyń» vıse-prezıdenti Muratbek Toqtaǵazın; «Qazcontent» AQ tóraıymy Aına Zadabek, «QR news» portalynyń dırektory Nurbol Tólebaev; «Bas redaktorlar klýbynyń» atqarýshy dırektory Bıbigúl Qulaman; jýrnalıs, medıamenedjer Abaı Seıfolla qatysty.
Sondaı-aq kezdesýge óńirlerdegi jetekshi buqaralyq aqparat quraldarynyń bas redaktorlary onlaın formatta qatysty. Dóńgelek ústel «Bas redaktorlar klýby» QB men Qazaqstan Respýblıkasy Konstıtýsıalyq soty arasyndaǵy ózara yntymaqtastyq týraly memorandým aıasynda ótti. İs-shara qorytyndysy boıynsha qatysýshylar quqyqtyq mádenıetti damytý jáne demokratıalyq prosesterde BAQ rólin nyǵaıtý baǵytynda dıalogty ári qaraı jalǵastyrýǵa jáne jýrnalıserdiń quqyqtyq saýattylyǵyn arttyrýǵa arnalǵan oqytý sabaqtaryn ótkizýge ýaǵdalasty.