Belgílí qazaqstandyq konkıshí, jastar arasyndaǵy álem chempıonatynyń kúmís júldegerí jáne el chempıony Qūdaıbergen Temírjanov búgínde Almaty garnızonyndaǵy 78460 áskerı bólímínde merzímdí qyzmetín ótep júr, - dep habarlaıdy Aqshamnews.kz Qorǵanys mınıstrlígíne sílteme jasap.
Sportshy Qaruly kúshter sapyndaǵy qyzmetín sporttyq mansabymen qatar oıdaǵydaı úılestíríp keledí. Ol áskerı qyzmetshílerge kásíbı jáne tsıfrlyq daǵdylaryn damytuǵa, shet tílderín úırenuge jáne joǵary dene daıyndyq deńgeıín saqtauǵa múmkíndík beretín «Sarbaz+» jobasy ayasynda qyzmet etedí.
Qatardaǵy jauynger Temírjanovtyń aıtuynsha, būl joba oǵan aǵylshyn tílín meńgeruge, IT baǵyttaryn jáne ūshqyshsyz basqarylatyn qūrylǵylardy basqarudy úırenuge, sonymen qosa áskerı bólímníń sport zalynda ūdaıy jattyǵuǵa múmkíndík beredí.
Tańerteń erte tūru, saptyq jáne atys daıyndyǵy, dalalyq joryqtar sekíldí qarqyndy áskerı tártípke qaramastan, áskerı qyzmetshí ortaǵa tez beıímdelíp, píkírles dostar tapqan. Sporttaǵy tájírıbesín áríptesterímen bólísíp otyratyn ol áskerdegí tártíp kásíbı sporttaǵy talaptarǵa qatty ūqsaıtynyn aıtady.
Qūdaıbergen Temírjanovtyń sporttyq jetístíkterí qatarynda konkı sportynan sport sheberí ataǵy, jasóspírímder arasyndaǵy álem chempıonatynyń kúmís júldesí, neo-senorlar arasyndaǵy álem kubogy kezeńderíndegí júldelí oryndar, būdan bólek 2024–2025 jyldary Qazaqstan chempıonattary men kuboktarynda bírneshe márte jeńíster men júldelí oryndar bar.
Qorǵanys mınıstrlígí mūndaı áskerı qyzmetshílerdíń armıyada boryshyn óteuí kásíbı sport, patrıotızm jáne áskerı boryshtyń úılesímdí ūshtasuyn aıqyn kórsetíp, jastarǵa úlgí bolatynyn árí Qaruly kúshterdíń bedelín arttyruǵa yqpal etetínín atap óttí.