Kofení ūıqydan túrǵannan keıín bír-ekí saǵattan soń íshken dūrys, - dep habarlaıdy aqshamnews.kz tílshísí.
Būl turaly somnolog-dáríger, endokrınolog Darya Lebedeva "Gazeta.Ru" basylymyna bergen sūhbatynda aıtty.
"Úsh túrlí adam bar: bírí kofe íshkennen keıín ózín sergek sezínedí, ekínshísí - díríldep, júrek qaǵysynyń jıíleuín baıqauy múmkín, al úshínshísí - kofe íshken soń ūıyqtaǵysy keledí. Būl - kofeın metabolızmíníń jyldamdyǵyna baılanysty genetıkalyq erekshelíkterímízge baılanysty: bíreude ol ekí saǵatta qorytylsa, ekínshísínde - 12 saǵatqa deıín sozylady. Sondyqtan kofege qatysty ámbebap keńester joq. Degenmen bazalyq erejeler bar. Mysaly, oyanǵannan keıín bír-ekí saǵat ótken soń, kofe íshuge eń qolaıly uaqyt sanalady. Būl uaqytta aǵzadaǵy kortızol deńgeıí tómendeı bastaıdy. Al eger dūrys ūıyqtaı almasańyz, saǵat 14:00-ten keıín kofe íshpegen dūrys. Típtí tústen keıín íshílgen bír kese kofe de ūıyqtau fazasyn baıqalmasa da, shegeruí múmkín", - dep túsíndírdí dáríger.
Sondaı-aq, dáríger sozylmaly ūıqysyzdyq pen mazasyzdyq kezínde kofeden múlde bas tartuǵa keńes beredí. Mūndaı jaǵdaıda mamanǵa júgíngen jón.
"Kofe - eger ony sanaly túrde íshseńíz, zıyandy emes. Ol zeıíndí arttyryp, kóńíl kúı men fızıkalyq tózímdílíktí jaqsarta alady. Másele - kofeníń ózínde emes, ony baqylausyz tūtynuda. Kúníne 5-6 kese íshetín bolsańyz, ol mazasyzdyq, ūıqysyzdyq jáne bas auruynyń sebebíne aınalady. Al eger kofe aǵzanyń qajyǵanyn jasyratyn "tayaqshaǵa" aınalsa, onda tūtynu mólsherín azaıtyńyz. Sozylmaly sharshaudy elemeı, kerísínshe, ūıqyńyzdy qalpyna keltíríńíz", - dep túıíndedí dáríger.