Búgínde elímízdegí ózektí máselelerdíń bírí – kásíbı jūmysshy mamandardy dayarlau. Būl baǵytta atqarylyp jatqan jūmystar barshylyq. Būrynǵy tehnıkum, kásíbı-tehnıkalyq uchılıshcheler kolledjderge aınalyp, oqu oryndary túrlí jūmysshy mamandyqtaryn daıyndaıdy. Memleket óz tarapynan olarǵa barynsha jaǵdaı jasauǵa tyrysuda. Qazaqstannyń barlyq aımaǵynda kásíbı jūmysshylar daıyndaıtyn kolledjderdíń jūmysy jandandyryluda. Endígí másele sūranysqa ıe mamandardy daıyndap, óndírísterdegí jūmys ornyn toltyru. Qazír shaǵyn jáne ortasha bıznes sektorynda óndírís órís alyp, tájírıbeden ótken maman-jūmysshylarǵa sūranys artyp otyr. Osy baǵytty damytu kolledjderge míndettelgen kezek kúttírmeıtín másele.
Teorıya men tájírıbe alańy
Almaty elektr-mehanıka kolledjíníń basym baǵyty – jūmysshy mamandaryn daıyndau, eńbek adamynyń mártebesín arttyru. Oqu orny dırektorynyń míndetín atqarushy Ajar Baıdíldaevanyń aıtuynsha, alǵashynda «Kásíptík oqytu ortalyǵy», keıínnen Almaty qalasy Bílím basqarmasy KMQK «Almaty elektr- mehanıka kolledjí» bolyp qūrylǵan eken.
Búgínde kolledjde 102 qyzmetker jūmys ísteıdí, 860 bílím alushy bar. Kolledj oqushylardy 9 jáne 11-synyptan keıín memlekettík tapsyrys boıynsha oquǵa qabyldap, kásíbı mamandar daıyndaıdy. Bílím alushylar úlgerímíne qaraı shákírtaqy alady. Áleumettík kómek retínde ystyq tamaqpen qamtylǵan. Shákírtterge eluden astam óndírístík oqu sheberlerí, onyń íshínde ǵylym kandıdattary, magıstrlar, pedagog-zertteushí, pedagog- moderatorlor dárís beredí. Teorıya míndettí túrde óndírístík tájírıbemen ūshtastyryla júrgízíledí.
Bílím ordasynyń óz oqu-óndírístík sheberhanasy bar. Studentterdíń tájírıbeden ótuí, oqu ornyn bítírgen boıda kásíbí boıynsha jūmysqa ornalasuy úshín Almatydaǵy barlyq derlík óndírís oryndarymen kelísímder jasalynǵan. Olardyń qatarynda «Saıman» korporatsıyasy JShS, «Almaty elektr-mehanıka zauyty», «Alatau Jaryq Kompanıyasy» AQ, «Almaty jylu jelílerí» JShS, «AlmatyEnergosbyt» MKK, «Almaty Su» MKK, «Ísker Gaz» JShS jáne t.b. bar. Óndírís oryndaryndaǵy tálímgerlerdí yntalandyru maqsatynda tájírıbeden ótken árbír student úshín tólem qarastyrylǵan.
Sheteldík taǵylymdama: halyqaralyq tájírıbení meńgeru
Almaty qalasynyń bílím beru júıesín damytudyń 2023–2030 jyldarǵa arnalǵan Jol kartasy negízínde sheteldegí oqu-óndírístík bazasynda 18 qyzmetker halyqaralyq taǵylymdamadan ótken. 2023 jyly 2 arnaıy pán oqytushysy – Brazılıyada, 2 arnaıy pán oqytushysy, 3 oqytu sheberí – Germanıyada taǵylymdamadan ótken. 2024 jyly oqytushylar Vengrıyada, Slovenıyada, Avstrıyada, Germanıyada taǵylymdamadan ótíptí.
2023-2024 oqu jylynan bastap Almaty elektr-mehanıka kolledjí Germanıyanyń Magdeburg qalasyndaǵy «Janser Consult GmbH» kópsalaly kosaltıngtík kompanıyasymen yntymaqtastyq ornatypty. Osy yntymaqtastyq ayasynda 2024 jyldyń qyrkúıek aıynda Germanıyanyń bírneshe jetekshí kompanıyalarymen memorandumǵa qol qoıylyp, halyqaralyq ózara yqpaldastyqty damytu bastaldy. Seríktestík maqsaty – sheteldermen baılanys ornatu, zamanauı tehnologıyalardy ıgeru, kásíbı bílíktílíktí arttyru jáne halyqaralyq standarttarǵa sáıkes bílím beru.
Osynyń negízínde shetelde taǵylymdamadan ótuge barlyǵy jıyrma bílím alushy íríktelíp, sheteldík kompanıyalarmen kelísím-shart jasalǵan. Olar 2025 jyldyń basynda Germanıyada 45 kúndík tájírıbeden ótíp keldí. Jatyn oryndary tegín boldy jáne olarǵa 1500–1700 evro kólemínde shákírtaqy tólengen. Almatylyq shákírtter sheteldík taǵylymdamadan óte jaqsy ótíp, toǵyz bílím alushy «AMP LEUNA GmbH SITEX Textile», «Hans Kupfer Sohn GmbH», «Actmemium Gegelec Mitte GmbH», t.b. kompanıyalarǵa joldama alypty. Būl degeníńíz, Qazaqstannyń kásíptík bílím beru salasy halyqaralyq deńgeıge shyqty degen sóz. Qarapaıym eńbek adamynyń kásíbı jūmysshy mamandyǵyn ıgerudegí jetístígín osy tájírıbeden kóruge bolar.