Būl ambulatorıyalar 11 myńnan astam tūrǵynǵa sapaly medıtsınalyq qyzmet kórsetetín bolady.
Almaty oblysynda ekí auyldyq dárígerlík ambulatorıya íske qosyldy, dep habarlady Almaty-akshamy.kz.
Qajettí zamanauı medıtsınalyq qūraldarmen jabdyqtalǵan jańa emdeu mekemelerí Jambyl audanynyń Sarybaı bı jáne Úńgírtas auyldarynda íske qosyldy. Būl turaly Almaty oblysy ákímíníń baspasóz qyzmetí habarlap otyr.
«Dárígerlík ambulatorıyada jańa medıtsınalyq qūral-jabdyqtar ornatylǵan. Nysan bír auysymda 35 adam qabyldauǵa arnalǵan. Bízdíń ūjymda 12 qyzmetker bar. Bíz auyl tūrǵyndaryna sapaly qyzmet kórsetuge bar kúsh-jígerímízdí baǵyttaımyz», - dedí Úńgírtas auyldyq ambulatorıyasynyń meńgerushísí Baǵlan Tobajanova.
Jańa emhananyń jobalyq qūny - 338 mln teńge. Mūnda balalar men eresekterge arnalǵan qabyldau bólmesí, stomatolog, gınekolog, terapevt kabınetterí, zerthana, kúndízgí statsıonar, jara tańu bólmesí bar. Būl jerde Úńgírtas auyldyq okrugíníń 5 myńdaı tūrǵyny medıtsınalyq qyzmet ala alady.
Sarybaı bı auylyndaǵy emdeu mekemesí bír auysymda 25 adamdy qabyldaı alady. Nysan endígí jerde Qarasu auyldyq okrugíndegí 4 eldí mekenníń 6 myńnan astam tūrǵynyna sapaly medıtsınalyq qyzmet kórsetetín bolady. Jobanyń jalpy qūny - 297 mln teńge.
