Jetisý oblysynyń prokýratýrasy "Ardagerler saıabaǵyna" irgeles jatqan jer ýchaskelerin memlekettik menshikke qaıtardy, - dep habarlaıdy aqshamnews.kz tilshisi.
Cotpen Taldyqorǵan prokýrorynyń "Ardagerler saıabaǵyna" irgeles ornalasqan jalpy aýdany 4,1 gektar jer ýchaskesin jeke tulǵaǵa berý deregin zańsyz dep taný jáne bul jerlerdi memlekettik menshikke qaıtarý týraly talap aryzy qanaǵattandyryldy.
Qadaǵalaý is-sharalary barysynda kórsetilgen jer ýchaskesi orman-saıabaq aımaqqa jatatyny jáne 2006 jyly zań talaptaryn buza otyryp jeke menshikke zańsyz berilgeni anyqtaldy. Keıinnen jer ýchaskesi 44 jeke ýchaskege bólinip, 13 tulǵaǵa satylǵan.
Sot aktisi zańdy kúshine endi.
Jetisý oblysynyń prokýratýrasy jer zańnamasynyń saqtalýyn qamtamasyz etý, memlekettik jáne qoǵamdyq múddelerdi qorǵaý, sondaı-aq ortaq paıdalanýdaǵy aýmaqtardy saqtaý baǵytyndaǵy jumysty turaqty negizde júrgizip jatyr.
Jetisý oblysynda 4,1 gektar jer memleketke qaıtaryldy
- 09:46, 12 qańtar 2026
agroinfo.kz