Qyrǵyzstandyq Asman Airlines áuekompanıyasy Almaty Tourism Bureau ūıymymen bírlesíp, Almatyny ózíníń borttyq jurnalynda tanystyrdy. Basylym betterínde jolaushylarǵa qalada qaıda baryp, není kóruge bolatyny, qalaı demalyp, uaqytty qyzyqty ótkízuge bolatyny turaly aqparat ūsynylǵan. Olardyń qatarynda mádenı oryndar, gastronomıya, belsendí demalys pen tau turızmí bar, – dep habarlaıdy aqshamnews.kz tílshísí.
Mūndaı format Almatyny áleuettí turısterge eń qolaıly sátte – sapar kezínde tanystyruǵa múmkíndík beredí. Ūshu barysynda jolaushylar jańa baǵyttar men demalys ıdeyalaryna kóbírek nazar audarady. Būl qalanyń tanymaldylyǵyn arttyryp, onyń tartymdy turıstík ımıdjín nyǵaıtuǵa jáne sayahatshylardyń qyzyǵushylyǵyn kúsheıtuge yqpal etedí.
«Būl joba turıstík sala men áue tasymaldaushy arasyndaǵy tıímdí áríptestíktíń naqty úlgísíne aınaldy. Osyndaı yntymaqtastyq syrtqy naryqtaǵy ílgeríletu múmkíndígín keńeıtíp, jańa audıtorıyany tartuǵa jol ashady», — dedí Almaty Tourism Bureau ūıymynyń MICE bólímíníń basshysy Sanjar Qaleshov.
Almaty turaly materıaldardyń borttyq jurnalda jarıyalanuy — qalany óńírdegí zamanauı árí tartymdy turıstík baǵyt retínde ílgeríletuge baǵyttalǵan júıelí jūmystyń taǵy bír mańyzdy qadamy.