Elímízdíń qalalarynda ınternetke bíryńǵaı qauípsíz qoljetímdílíktí qamtamasyz etetín ūlttyq Wi-Fi operatoryn qūru josparlanyp otyr, dep habarlaıdy aqshamnews.kz.
Būl turaly úkímet otyrysynda Freedom Telecom Operations" kompanıyasynyń basshysy Qaırat Ahmetov aıtty. Joba áleumettík mańyzy bar nysandarda jelíní ornalastyrudy kózdeıdí. Naqtyraq aıtsaq, shekara beketterínde, áuejaılarda, temírjol jáne avtovokzaldarda, sondaı-aq mektepter men medıtsınalyq mekemelerde paıda bolady.
"Bíz qūryp jatqan ınfraqūrylym Qazaqstannyń JI-ekonomıkany qalyptastyru baǵytyn qoldaı otyryp, jasandy ıntellekt negízínde tsıfrlyq servıster men sheshímderdí damytu platformasyna aınaluda", — dedí "Freedom Telecom Operations" kompanıyasynyń basshysy Qaırat Ahmetov.
Bírínshí kezeńde joba 10 qalada 400 oryndy qamtıdy. 2026 jylǵa qaraı jelíní 10 myń qosu núktesíne deıín, al 2027 jylǵa qaraı 20 myńǵa deıín keńeıtu josparlanuda.