Ekpeler men mıkstýralar (suıyq kúıdegi dáriler) densaýlyqty nyǵaıta túsetini sózsiz. Alaıda adamnyń ózin jaqsy sezinýi úshin bir qaraǵanda óte qarapaıym áreketterdi jasaýdyń ózi jetkilikti. Árqashan deniń saý bolyp, baqytty ómir súrý úshin qajetti birneshe keńeske nazar aýdara otyryńyzdar.
Kitap oqyńyz
Kitap degende de, elektrondy nusqada emes, qaǵaz kúıindegi aqparatty oqý kúızelisti jaǵdaımen kúresýge kómektesedi. Jaqsy nátıje shyǵý úshin ózińizge oqyǵan kezde jaǵymdy áser beretin mátindi oqyǵan jón. Sebebi ótkir áleýmettik máseleler men saıası taqyryptaǵy gazetter men jýrnaldardy oqýdan ondaı áser almaýyńyz múmkin.
Tamaqty aqyryn jeńiz
Dıetologtar kóbine-kóp artyq salmaq adamdardyń tamaqty kóp jeýinen emes, ony tez ári durys shaınamaýynan bolady deıdi. Tamaqty óte tez jeıtin adamdar asty shamadan tys kóp jeýge beıim keledi. Iaǵnı, aǵza tamaqtanǵanyn túsinbeı, toıǵany týraly sıgnal tym kesh keledi.
Medıtasıany tynyshtyqta jasańyz
Medısına qyzmetkerleri medıtasıa tek ıoga jáne shyǵys tájirıbesin ustanýshylar úshin ǵana emes, tipti qarapaıym keńse qyzmetkerleri úshin de paıdaly ekenin burynnan aıtyp keledi. Garvard ýnıversıtetinde júrgizilgen zertteý kún saıyn otyz mınýt jasalǵan medıtasıa kúızelistiń damýyn azaıtatyny dáleldengen. Medıtasıa adamnyń emosıonaldyq jaǵdaıyn arttyrady, psıhologıalyq, sonymen birge, adamnyń fızıkalyq saýlyǵyna jaǵymdy áser etedi.
Temir jaıly esten shyǵarmaǵan jón
Temir aǵzanyń qalypty jumysyn saqtaýda mańyzdy ról atqarady. Sharshaǵyshtyq, tábettiń joǵalýy, nazardy toqtatýdyń qıyndyǵy — bul adam aǵzasyndaǵy temir jetispeýshiligimen kezdesetin máselelerdiń bir bóligi ǵana. Sonymen qatar, temir turaqty metabolızmge yqpal etedi jáne ókpeden jasýshalarǵa ottegin tasymaldaıdy, sondyqtan onyń jetispeýshiligi artyq salmaqtyń ósýine yqpal etýi múmkin.
Telefondy óshirip qoıý kerek
Bul, árıne, birinshi ret aıtylyp jatqan jańalyq emes. Qalaı degenmen de, bul - basty ustanýǵa tıis keńesterdiń biri. Smartfondardy jıi qoldaný kózdiń qan qysymyn, stressti ulǵaıtyp, moıyn, ıyq bólikteriniń, sonymen qatar basty jıi tómenge salýdyń saldarynan bas saqınasy aýrýlaryna ákelýi múmkin.
Kúnine 21 mınýttan serýendeńiz
AQSH-tyń baqylaý jáne aldyn alý jónindegi ortalyq 18-den 34 jasqa deıingi jas aralyǵynda adamdarǵa densaýlyqty bir qalypta ustaý úshin aptasyna keminde 150 mınýt aerobıkalyq jattyǵýlar jasaý qajet. Eger siz sportpen shuǵyldanýǵa eki jarym saǵat bóle almasańyz, onda bul ýaqytta aptanyń árbir kúnine teńdeı keletindeı bólip tastańyz. Sonda 21 mınýttan shyǵady. Jaıaý júrip, serýendeý úshin 21 mınýt ýaqyt tabý áldeqaıda jeńilirek ekenine kelisetin shyǵarsyz.
Úıde otyrmańyz
Naqtyraq aıtqanda, ýaqytyńyzdyń kóp bóligin dalada ótkizińiz. Bul keńes , ásirese, qazir qys aldynda óte qajet. Óıtkeni adamdar kóbine aýa raıynyń qolaısyzdyǵyn alǵa tartyp, bul isti keıinge qaldyra beredi. Adam aǵzasyna D dárýmeniniń paıdasy zor, al ol tek taza aýada bólinedi. Al eger serýendeıtin jerińiz tabıǵı oryn bolsa, onda mıyńyzda jaqsarý prosesteri kóbirek bolady, kúızelisten arylýǵa bolady.