Úsh pasıent jasandy tynys alý apparatyna qosylǵan.
Qazaqstanda koronavırýs pnevmonıacynan bir adam qaıtys boldy, dep habarlaıdy Almaty-akshamy.kz DSM-niń baspasóz qyzmetine silteme jasap.
«Sońǵy táýlikte respýblıkada koronavırýs juqtyrǵandar sany azaıyp, 74 adam boldy. Bir kún buryn koronavırýs juqtyrǵandar sany 101 bolatyn», - delingen Densaýlyq saqtaý mınıstrliginiń aqparatynda.
20 qańtardaǵy jaǵdaı boıynsha, 1949 adam COVID-19-dan em alýdy jalǵastyryp jatyr. Onyń ishinde 156 naýqas stasıonarda, 1793 naýqas ambýlatorlyq emdelýde.
Naýqastardyń ishinde 10 adamnyń jaǵdaıy aýyr, 5 naýqastyń jaǵdaıy óte aýyr, 3 pasıent jasandy tynys alý apparatyna qosylǵan.