Qaıtarylǵan aktıvterdí basqaru kompanıyasy «Baısat» bazaryn auktsıonǵa shyǵardy.
Memleket menshígíne 2024 jyly alynǵan nysan úshínshí ret satylymǵa shyǵaryldy, - dep habarlaıdy Aqshamnews.kz.
Bastapqy baǵasy 28 639 882 000 teńge retínde qoıylǵan alǵashqy auktsıon 2025 jyldyń 18 qarashasynda ótuí kerek edí.
Alaıda sauda-sattyq bastalǵan sátte tírkelgen qatysushylar bolmaǵandyqtan, auktsıon toqtatyldy. Ekínshí sauda 2025 jyldyń 26 jeltoqsanynda belgílendí. Būl joly nysannyń bastapqy baǵasy 2 mlrd teńgege arzandap, 26 706 317 643 teńge boldy. Alaıda osy joly da auktsıon satyp alushy bolmaǵansyn ótpedí.
Qaıtarylǵan aktıvterdí basqaru kompanıyasy kelesí sauda-sattyqty 2026 jyldyń 5 aqpanynda saǵat 12:00-de ótkízudí josparlap otyr.
Būl joly da nysan baǵasy aıtarlyqtaı túsken. Bastapqy baǵasynan 4 mlrd teńgege arzandaǵan bazardyń qazírgí qūny – 24 772 753 285 teńge.