Taza aua ūzaq ómír kepílíndeı
Aldaǵy 5 jyl íshínde Qazaqstanda auanyń joǵary lastanuy bar 10 qalada ekologıyalyq máseleler bírtíndep sheshímín tabady, dep habarlaıdy Almaty-akshamy.kz Qazaqtv.com saıtyna sílteme jasap
Būl turaly «Jasyl Qazaqstan» Ūlttyq jobasyn tanystyru barysynda QR Ekologıya, geologıya jáne tabıǵı resurstar mınıstrí Seríkqalı Brekeshev habarlady. Onyń aıtuynsha, Ūlttyq jobanyń bírínshí baǵyty «Taza Qazaqstannyń» maqsaty - atmosferalyq auanyń lastanuyn azaıtu.
«Lastanudyń joǵary deńgeıí ónerkásíptík kásíporyndardyń qyzmetímen jáne elektr stantsıyalarynda kómírdí jaǵumen baılanysty ekení jasyryn emes. Osy problemany sheshu úshín auanyń joǵary lastanuy bar 10 qalada 5 jyl íshínde 16 írí ónerkásíp kásíporyndaryndaǵy shyǵaryndylardy 20% qysqartu boljanyp otyr. Mysaly, «ArselorMıttal Temírtau» shyǵaryndylardy 54% azaıtu boıynsha míndettemeler aldy», - dedí QR Ekologıya, geologıya jáne tabıǵı resurstar mınıstrí Seríkqalı Brekeshev.
Sondaı-aq, «Jasyl Qazaqstan» Ūlttyq jobasy jalpy 11 míndetten, olar boıynsha 19 kórsetkísh jáne 48 ís-sharadan tūrady.