Atyraudaǵy kísí óltíru deregí turaly aqparat qoǵamda rezonans tudyrǵany haq. Qyzdyń ólímíne sebepker bolǵan qaskóılerdíń áreketín polıtsıya qalaı áshkereledí, jedel uákílder kúdíktílerdí qalaı qūryqtady, tergeushíler būl ístí qalaı ashty? Tolyǵyraq Polisia.kz materıalynda, - dep habarlaıdy aqshamnews.kz tílshísí.
23 jastaǵy Yana Legkodımova 2024 jylǵy 18 qazannan 19-na qaraǵan túní óltírílgen. Qyzdyń denesí tek segíz aı ótken soń Jaıyq ózeníníń jaǵasynan tabyldy.
"Bírínshí adam joǵalu faktísímen ís tírkeldí. Habar túsken boıda bíz ony ízdeuge kírístík. Bírqatar jūmystar atqaryldy. Adam ūrlanǵany jónínde málímetter jınaqtalǵan soń ístí adam ūrlau deregí boıynsha júrgízdík. Odan soń ís kísí óltíru deregíne ózgertíldí", - dedí Atyrau oblysy krımınaldyq polıtsıya basqarmasynyń bólím bastyǵy Erlan Qūsaıynov.
Polıtsıyaǵa habar 20 qazan kúní qyzdyń anasynan onyń habar-osharsyz ketkení jónínde túsken. Tártíp saqshylary Yananyń túr-sıpatyna, erekshelíkteríne qaraı sūrau salyp, ízdestíru jūmystaryn júrgízgen.
"Bíz onyń úıden shyqqan sátínen bastap júrgen baǵytyn qalpyna keltíre bastadyq. Kameralar qyz míngen aq tústí kólíktí kórsettí. Janynda esíktí ūstap tūrǵan ekínshí er adam bolǵan. Keıín ol da avtokólíkke otyrǵan. Odan soń olar Taldykólge qaraı baǵyt alǵan", - dedí Atyrau oblysy PD tergeu basqarmasynyń asa mańyzdy íster jóníndegí tergeushísí Temírhan Hajmūratov.
Oqıǵanyń jaı habar-osharsyz ketken adam turaly emes, qylmystyq sıpaty baryn jedel uákílder anyqtady. Qaladaǵy beınekameralardyń jazbalary qaralyp, kúdíktí kólíktíń júru baǵyty tekseríledí. Osylaısha qyzdy alyp ketken ekí jígít anyqtalady. Bírí qylmysty óz qolymen jasasa, ekínshísí oǵan ízín jasyruǵa kómektesken.
"Kúdíktíler ekí kúnnen keıín ūstaldy. Bírí Qūrmanǵazy audanyna ketíp úlgergen, ekínshísí kólíktí juatyn orynǵa aparyp, ízderdí jáne marqūmnyń telefonyn joıǵan", - dedí tergeushí Hajmūratov.
Aıǵaqtardyń joıyluyna qaramastan, polıtsıya qyzmetkerlerí ístí ashty. Tergeu materıaldaryna sáıkes, Haırjanov kólíktíń íshínde Yanany tūnshyqtyrǵan, al dosy Katımov qyzdy qashyp ketpesín dep esíktí ūstap tūrǵan. Būdan keıín olar denení qala syrtyna aparyp, ózenge laqtyrǵan.
"Aldymen bíz Haırjanovty anyqtadyq. Onyń jauaby boıynsha ekínshí kúdíktí Katımovty taptyq. Kúdíktíler ūstalyp, bíraq máıíttíń tabylmaǵany meníń tájírıbemde alǵash ret boldy. Soǵan qaramastan kúdíktíníń sózí boıynsha qylmys bolǵan oryndy anyqtadyq", - dedí Erlan Qūsaıynov.
Qylmysker men marqūm bír unıversıtette oqyǵan jáne bírín-bírí 2022 jyldan berí bílgen. Qyz-jígít retínde qarym-qatynasta bolǵan. Qaskóıler būryn-sońdy sotty bolmaǵan, qandaı da bír esepte tūrmaǵan. Jedel uákíldíń aıytuynsha, mūndaı jaǵdaılarda ūsaq-túıektíń ózín eskeru mańyzdy.
"Qylmys tírkelgen uaqytta jedel uákíl ūsaq túıek mán-jaılarǵa nazar audarady. Ony eskermeseń, qylmys ashylmaı qaluy múmkín. Adamnyń sóılegeníne nazar audaramyz. Psıhologıyalyq jaǵdaıyna mán beremíz. Kúdíktíní sóıletuge tyrysamyz", - deıdí jedel uákíl.
Qylmystyń jasaluyna Yananyń Haırjanovtyń basqa qyzben kezdesíp júrgenín jáne oǵan úılenbek ekenín bílíp qoyuy, qalyńdyǵyna shyndyqty aıtamyn dep oqtaluy túrtkí bolǵan. Tergeushíníń aıtuynsha, basty kúdíktí áuelde tergeudí shatastyruǵa tyrysqan. Alaıda tártíp saqshylary taktıkany ózgertíp, qylmyskerdíń jauapkershílíkten jaltaruyna jol bermedí.
"Sot sanktsıyasy boıynsha bíz olardyń paraqshalaryn tekserdík. Hat almasu barysynda olar kísí óltíru josparyn talqylaǵan. Sondaı-aq ǵalamtordaǵy ízdeu júıesínde Qazaqstanda adam óltíru úshín qandaı jauapkershílík qarastyrylatyny jáne beınebaqylau kameralaryndaǵy jazbalar qansha uaqyt saqtalatyny turaly sūraqtar bolǵan", – dedí tergeushí Temírhan Hajmūratov.
Polıtsıya qyzmetkerlerí barlyq qajettí protsessterdí júrgízíp, dáleldemelerdí jınaqtady. Búgínde qos kúdíktí de jauapqa tartyldy. Ekeuí de ómír boıyna bas bostandyǵynan aıyryldy.