Kisi qolynan qaza bolǵan erli-zaıyptylar Jangeldınde jerlendi. Janazaǵa aýyl turǵyndary túgel kelgen, dep habarlaıdy Aqshamnews.kz.
Marqumdardyń máıitteri aýdan ortalyǵynan aldyn-ala jetkizilgen. Tańerteń erli-zaıyptylar jergilikti zıratta jerlendi.
«Úı plombalanǵan, sondyqtan denelerdi týystardyń úıinen shyǵaryp ákeldi. Qazir bárimizge óte aýyr. Bizdiń aýylda mundaı tragedıa buryn bolǵan emes», — deıdi aýyl turǵyndary.
«Jaqyndary ózderi jerleý rásimin uıymdastyrýǵa nıet bildirdi. Bul búkil aýyl úshin ortaq qaıǵy», — dep qosty aýyl ákimi Qanat Ǵaısa.
Otbasy — erli-zaıyptylar men olardyń úlken uly men qyzy — birneshe aı buryn joǵalǵan. Týysy ýaıymdap, jeltoqsan sońynda polısıaǵa habarlaǵan.
Tergeýshiler úıdi birneshe ret teksergenimen nátıje bolmaǵan. Keıinirek sharýashylyq ǵımaratyndaǵy dıvan astynan, shamamen bir jarym metr tereńdikte tabylǵan. Marqumdardyń qaza tapqan ýaqytyn qazir tergeý anyqtap jatyr.