Astanada mıkroavtobýs pen marshrýttyq avtobýstyń qatysýymen bolǵan jol apatynan bir adam qaza taýyp, taǵy ekeýi jaraqat aldy, dep habarlaıdy Aqshamnews.kz tilshisi PD-ǵa silteme jasap.
Oqys jaǵdaı 4 jeltoqsanda keshki ýaqytta bolǵan. Aldyn ala málimet boıynsha, mıkroavtobýs júrgizýshisi rólge ıe bola almaı, aıaldamada turǵan marshrýttyq avtobýsqa soǵylǵan.
Jol-kólik oqıǵasy saldarynan mıkroavtobýs júrgizýshisi oqıǵa ornynda kóz jumdy. Taǵy eki zardap shegýshi aýrýhanaǵa jetkizilip, olarǵa qajetti medısınalyq kómek kórsetilip jatyr. Qazirgi ýaqytta bolǵan oqıǵanyń barlyq mán-jaıy anyqtalyp, tergeý júrgizilip jatyr.
Eske salaıyq, buǵan deıin Almatyda BMW júrgizýshisi rólge ıe bola almaı, jol jıegine soǵylyp, aıaldamada turǵan eki jaıaý júrginshini qaǵyp ketken edi. Jaraqattanǵandar aýrýhanaǵa jetkizilgen.