Úkimet basshylary saýda-ekonomıka, qarjy-ınvestısıa, tranzıttik-kólik, aýyl sharýashylyǵy, munaı-gaz hımıasy, energetıka, ǵarysh salalaryndaǵy Qazaqstan-Reseı yntymaqtastyǵyn odan ári arttyrý perspektıvalaryn, sondaı-aq ónerkásiptik kooperasıa aıasyndaǵy jobalardy talqylady.
2021 jylǵy 2 qarashada QR Premer-Mınıstri Asqar Mamın Máskeý qalasyna jumys sapary aıasynda RF Úkimetiniń Tóraǵasy Mıhaıl Mıshýstınmen kelissóz júrgizdi, dep habarlaıdy Almaty-akshamy.kz Rrimeminister.kz saıtyna silteme jasap.
Eýrazıalyq ekonomıkalyq odaq formatyndaǵy ózara is-qımyldyń ózekti máseleleri, sondaı-aq COVID-19 taralýyna qarsy kúres jáne eki eldiń ekonomıkalary úshin pandemıa saldaryn joıý jónindegi birlesken sharalar qaraldy. Asqar Mamın eki eldiń ulttyq ekonomıkalarynyń belsendi qalpyna kelýi aıasynda Qazaqstan men Reseı arasyndaǵy saýda-ekonomıkalyq qatynastar men ınvestısıalyq yntymaqtastyq damýynyń joǵary qarqynyn atap ótti.
Osy jyldyń 8 aıynda elder arasyndaǵy taýar aınalymy $14,7 mlrd deıin 27%-ǵa ósti. 2021 jyldyń qorytyndysy boıynsha taraptar bul kórsetkishti $20 mlrd deıin jetkizýge nıetti. 2021 jyldyń birinshi jartysynda RF-nyń QR ekonomıkasyna tikeleı ınvestısıalarynyń kólemi 17%-ǵa artyp, $704,9 mln qurady. Qazaqstanda Reseı kapıtalynyń qatysýymen 10 myńnan astam kásiporyn jumys isteıdi, bul sheteldik qatysýy bar kásiporyndardyń jalpy sanynyń 36,1%-yn quraıdy. Ónerkásiptik kooperasıa salasynda $1,7 mlrd somasyna 8 birlesken iri joba iske asyrylyp jatyr.
RF Úkimetiniń Úılestirý ortalyǵynda Asqar Mamın men Mıhaıl Mıshýstın kólik ınfraqurylymynyń ozyq damýy, eki eldiń tranzıttik áleýetin jáne aımaqtyq ózara kólik baılanysyn nyǵaıtý, onyń ishinde «Batys Eýropa – Batys Qytaı», «Soltústik – Ońtústik» dálizderi jáne EAEO keńistigindegi basqa da baǵyttar sheńberinde nyǵaıtý máselelerin talqylady. QR ındýstrıa jáne ınfraqurylymdyq damý vıse-mınıstri Berik Qamalıevtiń, RF kólik mınıstri Vıtalıı Savelevtiń, «Qazaqstan Temir Joly» UK» AQ basqarma tóraǵasy Nurlan Saýranbaevtyń jáne «RTJ» AAQ bas dırektory – basqarma tóraǵasy Oleg Belozerovtyń baıandamalary tyńdaldy.
Bıylǵy jyldyń 9 aıynda Qazaqstan men Reseı arqyly Ortalyq Azıa, Eýropa, Qıyr Shyǵys baǵyttaryna 599,5 myń JFE tasymaldandy, bul 2020 jyldyń sáıkes kezeńindegi kórsetkishten 37%-ǵa artyq. Qytaı – Eýropa – Qytaı baǵytyndaǵy tranzıttik konteınerlik tasymaldar kólemi 493,5 myń JFE (+38%) qurady. Kelissózge QR-nyń RF-daǵy elshisi Ermek Kósherbaev, Strategıalyq josparlaý jáne reformalar agenttiginiń tóraǵasy Qaırat Kelimbetov, saýda jáne ıntegrasıa mınıstri Baqyt Sultanov, energetıka mınıstri Maǵzum Myrzaǵalıev, «Samuryq-Qazyna» AQ basqarma tóraǵasy Almasadam Sátqalıev jáne t. b. qatysty.