Būl joba mausym aıynyń sońyna deıín áuejaılar men temírjol vokzaldarynda júzege asyrylady.
Būl turaly QR Densaulyq saqtau mınıstrí Alekseı Tsoı Úkímet otyrysynda málímdedí, dep habarlaıdy Almaty-akshamy.kz.
«Búgínde Ashyq júıesímen qyzmettíń barlyq salasyndaǵy 10 myńnan astam nysan qamtylǵan. 2 mln 100 myń qoldanushy tírkelgen. Vaktsınatsıya pasportyn Ashyq qosymshasymen yqpaldastyru júrgízílíp jatyr. Mausym aıynyń sońyna deıín Ashyq jobasyn áuejaılarda, temír jol vokzaldarda engízu josparlanyp otyr. Osy rette aıta keterlígí, Ashyq jobasy engízílgen sátten berí PTR testíleudíń oń nátıjesímen 4 401 adam jáne baılanysta bolǵan 3 981 tūlǵa anyqtaldy», - dedí mınıstr.
Onyń aıtuynsha, ókíníshke qaraı keıbír azamattar auru ekenín jáne vırusty jūqtyryp alǵanyn bíle tūra, úıde oqshaulanu rejımín saqtamaıdy. Adamdar kóp baratyn nysandarǵa baryp, eldíń íshínde júríp-tūruǵa ūmtylady. Sol arqyly tóńíregíndegí adamdarǵa qauíp tóndíredí.
«Osyǵan oraı mınıstrlík ereje bekítíp, ol kúshíne endí. Oǵan sáıkes, karantın rejımín būzushylar aıyppūl túríndegí ákímshílík jauapkershílíkke tartylady. Onyń kólemí 87 myń teńgeden asyp jyǵylady», - Alekseı Tsoı.