Aqtaýda polısıa qyzmetkerleri reıdtik is-shara kezinde Toyota Land Cruiser Prado markaly jol talǵamaıtyn kólikti toqtatpaq bolǵan. Qyzmetkerler júrgizýshiniń qujattaryn teksermek bolǵanda, rúlde jasóspirim bala otyrǵany anyqtalǵan, dep habarlaıdy aqshamnews.kz
Alaıda jas júrgizýshi polıseılerdiń talaptaryna baǵynbaı, kólikpen qashýǵa árekettengen. Jol qozǵalysy erejelerin óreskel buzǵan bozbala birneshe ret apatty jaǵdaı týǵyzyp, birneshe kósheni kesip ótken. Polısıanyń jedel áreketiniń arqasynda jasóspirim kóp uzamaı ustaldy.
Kóliktiń ıesi anyqtalyp, jasóspirimniń zańdy ókiline qatysty birneshe ákimshilik hattama toltyryldy. Atap aıtqanda:
-
Jasóspirimniń kólik quralyn basqarý quqyǵy joq bola tura rúlge otyrǵany úshin,
-
Polısıa talabyna baǵynbaǵany úshin,
-
Jol qozǵalysy erejelerin buzǵany úshin.
Sonymen qatar, kólik arnaıy aıyppul turaǵyna qoıyldy.
Mańǵystaý oblystyq Polısıa departamentiniń málimetinshe, qazirgi ýaqytta bul oqıǵa boıynsha qosymsha tekserý jumystary júrgizilip jatyr, zańdy ókildiń jaýapkershiligi qaralýda.
Polısıa ata-analar men kólik ıelerine kámeletke tolmaǵan balalarǵa kólikti basqarýǵa jol bermeý qajettigin qatań eskertedi. Mundaı nemquraılyq aýyr zardaptarǵa ákelýi múmkin.