2026 jylǵy aqpanda Qazaqstanda memlekettik merekeler qarastyrylmaǵan, sondyqtan demalys kúnderi tek senbi men jeksenbi bolyp qala beredi, - dep habarlaıdy aqshamnews.kz tilshisi Almaty.tv-ǵa silteme jasap.
Qystyń sońǵy aıy jyldyń eń qysqa kezeńi bolǵandyqtan, qazaqstandyqtar 8 kún demalady.
Degenmen aqpanda kásibı jáne ózge de ataýly kúnder bar. Olar jumys kúnderine sáıkes kelgenine qaramastan atap ótilip, sol salalarǵa qatysy bar jandarǵa qurmet kórsetiledi.
Kásibı merekelerdiń tizbesi Qazaqstan Respýblıkasy Eńbek jáne halyqty áleýmettik qorǵaý mınıstriniń mindetin atqarýshynyń 2023 jylǵy 17 qarashadaǵy №480 buıryǵyna sáıkes bekitilgen. Atalǵan qujat alǵash resmı jarıalanǵan kúninen bastap qoldanysqa engizilgen.
Kásibı jáne ataýly kúnder:
- 1 aqpan – Qazaqstan Respýblıkasynyń azamattyq avıasıa qyzmetkerleri kúni
- 2 aqpan – Ulttyq basylym kúni
- 15 aqpan – Keńes áskerleriniń shekteýli kontıngentin Aýǵanstan Demokratıalyq Respýblıkasynan shyǵarý kúni
BUU kúntizbesi boıynsha:
- 4 aqpan – Qaterli isikke qarsy kúrestiń dúnıejúzilik kúni; Adamzat baýyrlastyǵynyń halyqaralyq kúni;
- 10 aqpan – Dúnıejúzilik burshaq tuqymdas daqyldar kúni;
- 11 aqpan – Ǵylymdaǵy áıelder men qyzdardyń halyqaralyq kúni;
- 12 aqpan – Qyzyl qol kúni (2002 jyldan beri BUU deńgeıinde soǵys pen qarýly qaqtyǵystarǵa tartylǵan balalardy eske alý kúni retinde atalyp ótedi); Darvın kúni;
- 13 aqpan – Dúnıejúzilik radıo kúni;
- 20 aqpan – Áleýmettik ádilettilik kúni;
- 21 aqpan – Halyqaralyq ana tili kúni;
- 27 aqpan – Dúnıejúzilik ÚEU kúni nemese Úkimettik emes uıymdardyń halyqaralyq kúni.