Adam ómírí bárínen qymbat. Sol ómírdíń shyraǵyn sóndírmeı, úmíttíń otyn óshírmeı, dertíne daua, janyna shıpa bolu ekíníń bíríníń qolynan kelmeıtín qasıettí ís. Būl jolda aq halatty jandardyń eńbegí árdaıym erekshe qūrmetke laıyq, – dep habarlaıdy aqshamnews.kz tílshísí.
Almaty qalasynyń densaulyq saqtau júıesínde osyndaı kásíbı bıík deńgeı men adamı jauapkershílíktí qatar ūstanǵan ūjymdardyń bírí №7 qalalyq klınıkalyq auruhana ekení taǵy bír márte aıqyn kóríndí.
Juyrda auyr hálde túsken nauqas Arynova Nazgúl Rysbaıqyzyna kórsetílgen medıtsınalyq kómektíń sapasy men jedeldígí būl sózímízdíń naqty dálelí. Ótíndegí tas asqynyp, janyna batatyn ūstama jıílegen shaqta der kezínde qabyldanǵan sheshím men úılesímdí árekettíń arqasynda nauqasqa shūǵyl operatsıya jasalyp, onyń ómíríne tóngen qauíptíń betí qaıtaryldy.
Būl eń aldymen auruhana basshysy Manas Embergenūly Ramazanovtyń ūıymdastyrushylyq qabíletí men jauapkershílígíníń nátıjesí dep bílemíz. Basshynyń árbír nauqastyń taǵdyryna beı-jaı qaramaı, naqty sheshím qabyldauy búkíl ūjym jūmysyna serpín beretíní anyq. Ūjymnyń bírízdí árí júıelí jūmysy dál osyndaı sátterde aıqyn kórínedí.
Sonymen qatar 1 hırurgıya bólímshesíníń meńgerushísí Talǵat Mūhıtūly Baıtūrǵanovtyń kásíbı bílíktílígí men sabyrly sheshím qabyldaı bíletín qasıetí erekshe atap ótuge tūrarlyq. Hırurgıya salasynda tájírıbe men batyldyq qatar júretíní belgílí. Osyndaı syn saǵatta dūrys baǵyt tańdap, nauqastyń jaǵdaıyn jítí baǵalaı bílu úlken jauapkershílíktí talap etedí.
Emdeushí dáríger Súıerqūl Jáníbek Asqarbekūly da óz ísíne adaldyqtyń úlgísín kórsettí. Nauqastyń jaǵdaıyn tūraqtandyru, operatsıyaǵa daıyndau jáne otadan keıíngí kútímníń ár kezeńínde dárígerdíń ūqyptylyǵy men janashyrlyǵy aıqyn sezíldí. Būl tek kásíbı míndet emes, adam ómíríne degen qūrmettíń kórínísí.
Operatsıyanyń sáttí ótíp, nauqastyń reanımatsıyadan palataǵa auysuy bír ǵana dárígerdíń emes, tūtas ūjymnyń úılesímdí eńbegíníń jemísí. Mūnda árbír medbıkeníń, árbír qyzmetkerdíń eńbegí bar. Qazaq «Bírlík bar jerde tírlík bar» deıdí. Auruhana ūjymynyń osy bírlígí men kásíbı úılesímí adam ómírín saqtap qaluda sheshushí ról atqaratyny sózsíz.
Búgínde medıtsına salasyna qoıylatyn talap joǵary. Tek bílím men tájírıbe ǵana emes, adamǵa degen janashyrlyq, sabyr men tózím de asa qajet. №7 qalalyq klınıkalyq auruhananyń ūjymy osy talaptardyń údesínen shyǵyp otyrǵanyn naqty íspen dáleldep keledí.
Almaty qalasy úshín mūndaı medıtsınalyq mekemeler men bílíktí mamandardyń boluy úlken mártebe. Qala tūrǵyndarynyń densaulyǵyn qorǵau jolynda ayanbaı eńbek etíp júrgen dárígerler qauymy árdaıym qūrmetke laıyq.
Osy rette nauqasqa der kezínde kómek kórsetíp, onyń ómíríne arasha bolǵan №7 qalalyq klınıkalyq auruhananyń basshysy Manas Embergenūly Ramazanovqa, 1 hırurgıya bólímshesíníń meńgerushísí Talǵat Mūhıtūly Baıtūrǵanovqa, emdeushí dáríger Súıerqūl Jáníbek Asqarbekūlyna jáne barsha medıtsına qyzmetkerleríne shynaıy alǵys bíldíremíz.
Aq halatty abzal jandardyń eńbegí elene bersín. El alǵysy sízderge árdaıym serík bolsyn!!!
Ízgí nıetpen,
Serík Jūmabaev, "Almaty aqshamy" gazetí bas redaktorynyń orynbasary.