Mūndaı píkírdí Oqu-aǵartu mınıstrí Ǵanı Beısenbaev bíldírdí.
Mınıstr ata-analar balalarynyń «Altyn belgí» alulary úshín túrlí zańsyz áreketterge baratynyn aıtty, dep habarlaıdy Almaty-akshamy.kz.
«Altyn belgí» baladan górí ata-anaǵa qajet syndy. Sebebí, ata-ana maqtanu úshín, «Altyn belgíní» balasy alu úshín barlyq jaıtqa barady. Eger jemqorlyq faktílerí osy ataqty alu úshín jıí tírkeletín bolsa, onda būl belgíní beru qanshalyqty qajet degen sūraq túrínde jūmys ísteıtín bolamyz. Sebebí, bílím satylmau kerek, sapa boluy kerek», - dedí Oqu-aǵartu mınıstrí Ǵanı Beısenbaev.
Taldyqorǵanda Sybaılas jemqorlyqqa qarsy ís-qımyl agenttígí tóraǵasynyń bírínshí orynbasary D. Malahov jáne oqu-aǵartu mınıstríníń qatysumen jıyn ótude. Oǵan aǵartu salasynyń barlyq mamandary qatysuda.
Būǵan deıín mınıstrlík eń kóp zań būzushylyqpen mūǵalímderdí qabyldau faktílerí tírkelgen aımaqtardy ataǵan bolatyn. Mūndaı jaǵdaı boıynsha Almaty oblysynyń Qarasaı audany kósh basynda tūr.