Almatynyń turızm basqarmasynyń málímetínshe, 2025 jyly qańtar-qyrkúıek aılarynyń qorytyndysy boıynsha turıstík saladaǵy negízgí kapıtalǵa tartylǵan ınvestıtsıya kólemí 113,2 mlrd teńgege jettí.
Būl 2024 jyldyń osy kezeńímen salystyrǵanda 47,4% kóp, - dep habarlaıdy Aqshamnews.kz.
2025 jyly bírínshí jartyjyldyqta salanyń jalpy qosylǵan qūny 559,3 mlrd teńgege jettí. Būl ótken jyldyń alty aıymen salystyrǵanda ekí ese joǵary árí turıstík sektordyń ekonomıkalyq mańyzdylyǵy artyp kele jatqanyn kórsetedí.
Qaladaǵy ornalastyru naryǵynda da aıtarlyqtaı ózgerís bar: Almatydaǵy nómírlík qor — 12 552 nómír (ósím 8%), 377 ornalastyru orny jūmys ísteıdí, bír mezette 22 768 adam qabyldaı alady.
2025 jyldyń basynan berí turızm ındustrıyasynda jeke ınvestor esebínen 34 jańa nysan íske qosyldv. Olardyń íshínde: 11 qonaq úı, 1 glempıng, 1 kapsulaly qonaq úı, 18 hostel, 3 demalys bazasy kíredí.
Sonymen qatar 6 794 nómírge arnalǵan 58 qonaq úı qūrylysy jobasyna jáne turıstík nysandardy jobalau men saludyń 35 jobasyna tūraqty monıtorıng júrgízílíp jatyr.
«Investıtsıyanyń artuy kásípkerler úshín jańa múmkíndík ashady, turıstík qyzmettíń ayasyn keńeıtuge jáne zamanauı servıs standarttaryn engízuge jaǵdaı jasaıdy. Basty basymdyq — mausymaralyq kezeńde nysandardyń júktemesín arttyru, MICE-baǵytyn damytu jáne sheteldík qonaqtarǵa sapaly qyzmet kórsetudí qamtamasyz etu», — dedí Almaty qalasy turızm basqarmasynyń ókílderí.
