Almatydaǵy sport qauymdastyǵynyń ókílderí respublıkalyq referendumǵa belsendí qatysyp jatyr, – dep habarlaıdy aqshamnews.kz tílshísí.
Belgílí sportshylar, jattyqtyrushylar jáne sport ūıymdarynyń ókílderí uchaskelerge kelíp, tańdau jasauda.
Dauys beruge Olımpıada chempıondary, Olımpıada oıyndarynyń júldegerlerí, álem chempıondary jáne halyqaralyq jarystardyń qatysushylary qatysyp jatyr. Kóptegen sportshy oqu-jattyǵu jıyndary men jarystarǵa daıyndyq kezínde de dauys beruge múmkíndík tauyp otyr.
Máselen, bokstan ekí dúrkín álem chempıony Nazym Qyzaıbaı referendumǵa qatysyp, el úshín mańyzdy oqıǵalardan shet qalmaudyń mańyzyn atap óttí.
2024 jyly Parıjde ótken Olımpıada oıyndarynyń oq atudan qola júldegerlerí Aleksandra Le men Islam Sátpaev Almaty qalasynyń Bostandyq audanyndaǵy komyunıtı ortalyq ǵımaratynda ornalasqan uchaskede dauys berdí.
Bokstan Olımpıada chempıony Ermahan Ibraımov qaladaǵy uchaskelerdíń bírínde otbasymen bírge dauys berdí. Onyń aıtuynsha, referendumǵa qatysu olardyń otbasy úshín mańyzdy dástúrge aınalǵan.
Jeńíl atletıkadan Olımpıada chempıony Olga Shıshıgına da dauys beríp, mūndaı qoǵamdyq-sayası oqıǵalardyń el damuy men keleshek ūrpaq úshín erekshe mańyzy bar ekenín aıtty.
Sport qauymdastyǵynyń basqa da ókílderí belsendílík tanytty. Bokstan ekí dúrkín álem chempıony Alua Balqybekova Almaty oblysyndaǵy oqu-jattyǵu jıynynan arnaıy kelíp, Almatydaǵy uchaskesínde dauys berdí.
Al dzyudodan Olımpıada oıyndarynyń qola júldegerí Ǵūsman Qyrǵyzbaev Chehıyadaǵy halyqaralyq jattyǵu lagerínde bolǵanyna qaramastan, Chehıya Respublıkasyndaǵy Qazaqstan Elshílígí janyndaǵy №405 referendum uchaskesínde dauys berdí.
Aralas jekpe-jek ındustrıyasynyń ókílderí de referendumǵa qatysty. Naiza FC MMA-promousheníníń prezıdentí Nūrbek Qarabala men Nomad Fighting lıgasynyń prezıdentí Mūhamedjan Qonysbekov uchaskelerínde dauys beríp, kóptegen sportshy men jattyqtyrushynyń da referendumǵa belsendí qatysyp jatqanyn atap óttí.
Sportshylardyń aıtuynsha, sport qauymdastyǵynyń ókílderí sport arenalarynda ǵana emes, eldíń qoǵamdyq ómírínde de belsendí boluǵa ūmtylady.