180 jańa jūmys ornyn qūru josparlanyp otyr.
Almaty ákímí Baqytjan Saǵyntaevtyń qatysuymen Óńírlík úılestíru keńesí otyrysynyń qorytyndysy boıynsha ındustrıalyq aımaq aumaǵynda íske asyru úshín 8 jańa jobany engízu turaly sheshím qabyldandy. Būl tamaq ónerkásíbí men qūrylys materıaldary óndírísí salasyndaǵy kásíporyndar, dep habarlaıdy Almaty-akshamy.kz.
Óńírlík kommunıkatsıyalar qyzmetínde ótken brıfıngte Almaty ındustrıaldy aımaǵynyń dırektory Ádíl Amralın azyq-túlík ónerkásíbí men qūrylys materıaldary salasyndaǵy jańa jobalardy íske asyru turaly habarlady.
Biotech Karal kompanıyasy - úı januarlaryna arnalǵan bıotamaqty qospalar men tyńaıtqyshtar óndíretín alǵashqy zauyttyń bírí. Á. Amralınníń aıtuynsha, onyń qūrylysy bıyl bastalǵan. Bírínshí kezeńí 2022 jyly ayaqtalady. Qūrylystyń ekínshí kezeńín 2024 jyly ayaqtau josparlanyp otyr. Jobanyń qūny 850 mln. teńgení qūraıdy. Zauyt 130 jańa jūmys ornyn ashady. Kásíporynnyń quattylyǵy jylyna 6,7 mln lıtr daıyn óním shyǵarudy kózdeıdí.
Industrıaldy aımaqtyń dırektory aıtqan ekínshí zauyt – Lemonadoff Food. Būl quattylyǵy jylyna 15 mln lıtr kólemínde alkogolsíz susyndar óndíretín árí 50 jūmys ornyn ashatyn kásíporyn. Joba qūny 316 mln teńgení qūraıdy. 2024 jylǵa qaraı jarty gektar uchaskede zauyt salynady, ol jylyna 500 mln teńgege óním óndíredí.
Úshínshí nysan – «Sartaı Energo Servıs» avtoklavty gazobloktar men qūrylys materıaldaryn shyǵaratyn zauyt qūrylysy. Būl kompanıya K7 Group holdıngíníń qūramyna kíredí árí Batys Qazaqstannyń jyljymaıtyn múlík naryǵynyń ókílí. Almatydaǵy zauyt alyumınıı vıtrajdaryn, plastıkalyq terezelerdí, avtoklavty gazobloktardy, vıtrajdardy shyǵarady. Ūsynylǵan zauyttar tízímínde ABM Building 2007 de bar. Mūnda kabeldík-ótkízgísh óním shyǵarylady
«Kompanıya elektr energetıkasy salasyndaǵy jobalardy íske asyrumen aınalysady, ındustrıyaldy aımaqtaǵy zauyt kabel-ótkízgísh ónímderdíń 500-ge juyq túrín óndíretín bolady. Olar kúshtík kabelder, baqylau kabelderí, montajdau symdary, SSP symdary. Kásíporynda 120 jūmys ornyn qūru josparlanuda», – dedí Ádíl Amralın.
Almaty ındustrıaldy aımaǵynda salynatyn taǵy bír kásíporyn – NEFT BK shyny talshyqty jáne kompozıttí talshyqtan jasalǵan armatura óndíru zauyty. Á. Amralınníń aıtuynsha, būl qūrylys, dızaın, sáulet jáne ınjenerlík jobalaudyń úlken tájírıbesí bar otandyq kompanıya. Zauyt shyny talshyqty, shyny tor, kompozıtsıyalyq materıaldan armatura shyǵarady. 60-qa juyq jańa jūmys ornyn qūru josparlanuda. Investor jobany íske asyruǵa 1 mlrdteńgeden astam qarjy salmaq.
JARDI KZ nan-toqash jáne aspazdyq ónímderdí, sondaı-aq jartylaı fabrıkattaryn óndíru boıynsha zauyt salu tízímde bar. Mūnda jylyna 3,3 myń tonna jartylaı fabrıkattar, 10 myń tonnadan astam túrlí aspazdyq ónímder jáne jylyna 5 myń tonnadan astam naubaıhana ónímderí óndíríledí.
«Joba JLC holdıngíníń ónímderín satatyn Almaty jáne Almaty oblysy boıynsha 175 dúkender jelísíne óz ónímderín qosudy kózdeıdí. Jobanyń qūny 6 mlrd. teńgení qūraıdy. 70-ten astam jūmys orny ashylady», – dedí ındustrıaldy aımaqtyń dırektory.
Industrıaldy aımaqta 2023 jylǵa qaraı metall qūrylymdary men polıetılen qūbyrlaryn shyǵaratyn «Būrǵan-2005» ónerkásíptík keshení salynady.
Qazírgí uaqytta kompanıya qazandyq, turbınalyq, elektr tehnıkalyq, hımıyalyq jabdyqtarǵa, baqylau júıesíne, avarıyaǵa qarsy qorǵauǵa qyzmet kórsetumen, qūrylys materıaldaryn óndírumen, kótergísh jáne qorshau konstruktsıyalaryn salumen aınalysady. Almaty ındustrıaldy aımaǵynda kompanıya metall qūrylymdary men polıetılen qūbyr fıtıngterín shyǵaratyn zauyt saludy josparlap otyr. Jobanyń qūny 2 mlrd. teńgení qūraıdy. 90-ǵa juyq jūmys orny ashylady.
Qūrylysy osy jyldyń tamyz aıynda bastalatyn QAZAQ STROY qūrylys materıaldaryn óndíru zauyty segíz jobany ayaqtaıdy.
«Būl kompanıya áleumettík jáne kommertsıyalyq tūrǵyn úı qūrylysy retínde tanymal. Al olardyń qūrylys materıaldaryn shyǵaratyn zauyt salsa, ótímdí bolar edí. Industrıyaldy aımaqta kompanıya gazobloktardy, betondy, jıektastardy, baspaldaq marshtaryn, kanalızatsıyalyq shyǵyrshyqtardy, jylu trassalarynyń lotoktaryn óndírmek. Jobanyń qūny 5,5 mlrd. teńgení qūraıdy. 180 jańa jūmys ornyn qūru josparlanuda», – dedí Ádíl Amralın.
Osylaısha, ındustrıyalyq aımaqtyń 8 jańa jobasy 772 adamdy jūmyspen qamtıdy. Jalpy somasy 29,35 mlrd. teńgege jeke ınvestıtsıyalar tartuǵa múmkíndík beredí.