Almaty qalasynyń ákimi Baqytjan Saǵyntaev Vengrıanyń Býdapesht qalasynda ótip jatqan dzúdodan álem chempıonatyna qatysýshy almatylyq Ǵusman Qyrǵyzbaevty kúmis medal alýymen quttyqtady.
Bul týraly qala ákimi óziniń twitter-degi paraqshasynda jazba jarıalady, dep habarlaıdy Almaty-akshamy.kz.
«60 kelige deıingi salmaq dárejesinde óner kórsetetin almatylyq sportshy Ǵusman Qyrǵyzbaevty Býdapeshtte bastalǵan dzúdodan álem chempıonatynyń kúmis medalimen quttyqtaımyn! Jeńisti bol!» - dep jazylǵan ákimniń paraqshasynda.
Esterińizge sala ketsek, Vengrıanyń Býdapesht qalasynda ótip jatqan dzúdodan álem chempıonaty keshe bastaldy. Álemdik doda 13 maýsyǵa deıin jalǵasady.