«Almatym mahabbatym» ání referendum uchaskesíníń aldynda shyrqaldy: jastar merekelík performans ūıymdastyrdy, – dep habarlaıdy aqshamnews.kz tílshísí.
Almatyda respublıkalyq referendum kúní №378 uchaskeníń mańynda jastardyń qatysuymen performans óttí. Ís-sharaǵa jas buyn ókílderí men «Jańa ǵasyr» teatrynyń artısterí qatysyp, muzykalyq qoıylym ūsyndy.
Ónerpazdar aldymen ózderí dauys beríp, keıín qala tūrǵyndaryna Almatynyń muzykalyq sımvoldarynyń bíríne aınalǵan «Almatym mahabbatym» ánín oryndady. Tanymal áuen kópshílíktíń nazaryn audaryp, kórermender toqtap, qyzyǵa tamashalady. Jınalǵan tūrǵyndar artısterdí qol shapalaqtap qoldady.
Ónerpazdar būl performans arqyly tuǵan qalaǵa degen súıíspenshílíkterín bíldíríp, tūrǵyndarǵa kóteríńkí kóńíl kúı syılauǵa tyrysty. Dostyqqa toly ruhta ótken olardyń ónerí kórermenderdí ystyq yqylasqa bóledí.
Osyndaı mádenı bastamalar referendum kúníne erekshe atmosfera qalyptastyryp, kópshílíktíń nazaryn audaryp, uchaskeler mańynda merekelík kóńíl kúı tudyrdy.