«Almatykítap baspasy» DimashAli prodyuserlík ortalyǵynyń qoldauymen qazaqstandyq oryndaushynyń shyǵarmashylyq jolyna arnalǵan jańa bíregeı basylym – «Dımash Qūdaıbergen: Sheksíz muzyka» atty kítap-albomdy kópshílík nazaryna ūsyndy, - dep habarlaıdy Aqshamnews.kz.
Ónerí jyldar boıy álemníń túrlí óńíríndegí tyńdarmandardy bíríktíríp kele jatqan ártístíń kásíbı qalyptasuy osy eńbekte jan-jaqty qamtylǵan.
Kólemí úlken formatta basylǵan, 289 betten tūratyn albom Dımashtyń shyǵarmashylyq qyzmetíne kópqyrly kózqaraspen qarauǵa múmkíndík beredí. Basylymǵa arhıvtík fotosuretter, kontsertterden alynǵan materıaldar, sondaı-aq oryndaushynyń jeke estelíkterí men túsíndírmelerí engízílgen. Būl derekter oqyrmanǵa ártístíń kásíbı damuyn kezeń-kezeńímen baqylap, būryn jarıyalanbaǵan shyǵarmashylyq sátterímen tanysuǵa múmkíndík beredí.
Kítap qūrylymy muzykanttyń ómír joly men kásíbı ósuíndegí negízgí kezeńderdí sıpattaıtyn taqyryptyq bólímderden tūrady. Onda oryndaushynyń halyqaralyq deńgeıde tanyluy, onyń otbasy men ónerpazdyq bastaulary, álemníń asa írí kontserttík alańdaryndaǵy óner kórsetuí, mádenı jobalarǵa qatysuy, tyńdarmandarymen baılanysy jáne shyǵarmashylyq joly turaly taraular qamtylǵan. Sonymen qatar basylymda sahna syrtyndaǵy jūmys úderísí men mańyzdy oqıǵalardyń hronologıyasyna arnalǵan arnaıy bólímder berílgen.
Basylym qazaq, orys jáne aǵylshyn tílderínde ūsynylǵandyqtan, ártúrlí audıtorıyaǵa qoljetímdí árí qazaqstandyq mádenıettíń keńínen tanystyryluyna septígín tıgízedí.
Kítap qazírgí uaqytta «Almatykítap baspasy» fırmalyq dúkenderíne tústí.