Almatyda qoǵam qaıratkerlerí men dıaspora ókílderí jańa Konstıtutsıya jobasy boıynsha ótíp jatqan respublıkalyq referendumǵa qatysyp, tańdau jasady. Olar qala tūrǵyndarynyń dauys beruge degen qyzyǵushylyǵy joǵary ekenín atap óttí, – dep habarlaıdy aqshamnews.kz tílshísí.
Qazaqstan halqy Assambleyasynyń múshesí Vsevolod Lukashevtíń aıtuynsha, ózí dauys bergen uchaskede tūrǵyndardyń belsendílígí baıqalǵan.
«Búgín elímíz úshín de, meníń otbasym úshín de mańyzdy kún. Būl ár azamat eldíń bolashaǵy turaly píkír bíldíríp, memleket aldyndaǵy jauapkershílígín sezínetín kún», — dedí ol.
Qoǵamdyq keńestíń jáne Qazaqstan halqy Assambleyasynyń múshesí Rustam Qaıryev te dauys beríp, uchaskelerde jyly árí dostyq atmosfera qalyptasqanyn aıtty.
Dauys beruge Almatydaǵy etnomádenı bírlestíkterdíń ókílderí de qatysty. Qazaqstan kúrdterí «Barbang» qauymdastyǵy basqarma keńesíníń tóraǵasy Rafık Mırzoev qaladaǵy kúrd qauymdastyǵy qoǵamdyq ómírge belsendí aralasyp otyrǵanyn jetkízdí.
Almatydaǵy auǵan qauymdastyǵynyń ókílí, «Almaty jastary» RQB ókíldígíníń tóraǵa orynbasary Omar Mohammedsaruar etnomádenı bírlestíkter ókílderí de referendumǵa belsendí qatysyp jatqanyn aıtty.
Dıaspora ókílderíníń aıtuynsha, dauys beruge qatysu — azamattyq jauapkershílíktíń kórínísí árí eldíń damuyna qatysty máseleler boıynsha ūstanym bíldíruge múmkíndík.