Almatydaǵy Bauyrjan Momyshūly atyndaǵy metro beketínde respublıkalyq referendum kúníne oraı qala tūrǵyndary men jolaushylarǵa arnalǵan áserlí bı performansy ūıymdastyryldy, – dep habarlaıdy aqshamnews.kz tílshísí.
Merekelík kóńíl kúı syılaǵan qoıylymdy «Alatau dástúrlí óner teatrynyń» artısterí ūsyndy. Olar ūlttyq naqyshqa baı, jígerlí árí dınamıkaǵa toly qazaqtyń halyq bıín oryndady.
Jarqyn kostyumder, yrǵaqty áuen men áserlí horeografıya jolaushylardyń nazaryn bírden audardy. Qala tūrǵyndary men metro qonaqtary toqtap, artısterdíń óneríne qoshemet kórsettí.
Kútpegen performans qalanyń kúndelíktí ómíríne erekshe sán beríp, jolaushylarǵa kóteríńkí kóńíl kúı syılady. Mūndaı mádenı bastamalar almatylyqtar úshín erekshe atmosfera qalyptastyryp, qoǵamdyq oqıǵalardy este qalarlyq etedí.