Almatyda «Taza Qazaqstan» ekologıyalyq bastamasy ayasynda Ońtústík sayabaqta jurnalıster men blogerler ekken jańa alleya paıda boldy. Ís-shara qalanyń ekologıyasyna salǵyrt qaraı almaıtyn medıa ókílderíníń basyn qosyp, jasyl-jelekke oranǵan qala qalyptastyru jolyndaǵy taǵy bír mańyzdy qadamǵa aınaldy, – dep habarlaıdy aqshamnews.kz tílshísí.
Aktsıyany osy joly Almaty qalasynyń Óńírlík kommunıkatsıyalar qyzmetí Bostandyq audany ákímdígímen bírlesíp ūıymdastyrdy.
Būl kúní sayabaqqa 25 BAQ ókílí men bloger jınalyp, qalany kógaldandyruǵa árkím ózínshe úles qosty.
Aktsıyaǵa qatysqandar aǵash egíp qana qoımaı, sayabaqtyń aumaǵyn tazalap, beıresmı jaǵdaıda bír-bírímen píkír almasty. Ís-sharada BAQ ókílderí bír-bírímen tanysyp, bárí Almatyny kórkeıte túsuge nıettí ekenín baıqatty.
Ásírese Tengrinews aqparat agenttígíníń redaktsıyasy belsendílík tanytyp, bírden 7 qyzmetker aktsıyaǵa qatysty. Olardyń qatarynda jurnalıst Irına Grıbovskaya da boldy. Ol mūndaı bastamaǵa jylda qatysady eken. Būl joly qyzyn jetektep kelíp, oǵan jastaıynan tabıǵatqa qamqor boludy úıretíp júr.
Ekologıyalyq aktsıyaǵa urbanıst-bloger Tıhon Shutov ta qosyldy. Almatynyń tumasy qaladaǵy jasyl-jelektí saqtap, qalalyq ortany damytuǵa baǵyttalǵan kez kelgen bastamany qoldaıtynyn aıtyp otyr.
Jurnalısterdíń aldynda Bostandyq audanynyń ákímí Azamat Qaldybekov sóz sóılep, ekologıya máselesínde qoǵam, medıa men jergílíktí bılík kúsh bíríktírgení qalǵan adamdardy da osy íske yntalandyratynyn aıtady. Onyń píkírínshe, mūndaı aktsıyadan keıín kópshílík te qorshaǵan ortaǵa qamqor bola bastaıdy.
«Taza Qazaqstan» aktsıyasy qorshaǵan ortany gúldendíruge ár adam úles qosa alatynyn taǵy dáleldedí. Ózgerístí árkím ózínen bastauy kerek.
Ońtústík sayabaqtaǵy Jurnalıster alleyasy qalanyń kóríkín ashyp qana qoımaı, tabıǵat pen Almatynyń bolashaǵyna degen ortaq qamqorlyqtyń sımvolyna aınalady.