Qyrkúıekte Almatyda Germanıya, Qytaı, Qazaqstan jáne Ortalyq Azıya elderínen kelgen suretshílerdíń basyn qosatyn «Bes element: energıya transformatsıyasy» atty halyqaralyq kórkem kórme ótedí, – dep habarlaıdy aqshamnews.kz tílshísí.
Būl turaly Almaty qalasy Turızm basqarmasynyń ókílderí aıtty.
Kórme Germanıyanyń Brú – Kunst und Kultur Austausch und Förderung Global Arts & Culture Organization e.V. qauymdastyǵynyń bastamasymen júzege asyrylady. Joba būǵan deıín Berlın men Stambūlda ótken halyqaralyq kórmeler serıyasynyń jalǵasy sanalady.
Kórmení ūıymdastyru Almaty Tourism Bureau men Brú ūıymy arasynda jasalǵan yntymaqtastyq turaly memorandum negízínde qolǵa alynǵan. Qūjat bírlesken art-jobalardy júzege asyruǵa jáne almatylyq suretshílerdí halyqaralyq deńgeıde tanytuǵa baǵyttalǵan.
Kórmeníń negízgí ıdeyasy «jasyl» energetıka taqyrybyn bes element — metall, aǵash, su, ot jáne jer fılosofıyasymen úılestíruge negízdelgen. Ekspozıtsıyada ınstallyatsıyalar, músínder, keskíndeme tuyndylary men fotosuretter, sonyń íshínde qaıta óńdelgen ındustrıyalyq materıaldardan jasalǵan jūmystar ūsynylady.
Joba halyqaralyq mádenı dıalogty kúsheıtíp, Almatynyń kreatıvtí ındustrıyalar men mádenı turızm ortalyǵy retíndegí mártebesín odan árí arttyra túsedí.