Metrony avtobus baǵyttarymen jáne jeńíl relstí kólík júıesímen (LRT) baılanystyratyn bíryńǵaı kólík-auystyru toraby qūrylady, dep habarlaıdy aqshamnews.kz tílshísí.
Almatyda metronyń bírínshí jelísíníń úshínshí kezegín íske asyru jobasy ayasynda №1 bekettíń qūrylysy júrgízíletín aumaqta jol qozǵalysynyń syzbasy ózgeredí.
Qalalyq kólík ınfraqūrylymyn damytu basqarmasynyń málímetínshe, №1 beket Alatau dańǵylynyń boıynda, Abaı dańǵylynan soltústíkke qaraı ornalasady.
Osyǵan baılanysty 13 qarashadan bastap qūrylys jūmystary ayaqtalǵanǵa deıín Alatau dańǵylynyń Abaı dańǵylynan Ūlyqbek kóshesíne deıíngí bólígínde kólík qozǵalysy shekteledí. Būl aumaqtan jańadan salynǵan aınalma jol arqyly ótuge bolady.
Qala tūrǵyndary men qonaqtarynan jol júru baǵytyn aldyn ala josparlap, ornatylǵan jol belgíleríníń talaptaryn saqtaudy sūraımyz.
Eske salaıyq, metronyń bírínshí jelísíníń úshínshí kezegíníń jobasy ayasynda ūzyndyǵy shamamen 5,3 shaqyrym bolatyn aralyq tonnelder men úsh beket salu kózdelgen.
№2 beket Alatau dańǵylynyń boıynda, bolashaqta salynatyn Tóle bı kóshesímen qıylysatyn aumaqta ornalasady. Al №3 bekettí «Barlyq» bazarynyń aumaǵynda salu josparlanyp otyr.
Būl jerde metrony avtobus baǵyttarymen jáne jeńíl relstí kólík júıesímen (LRT) baılanystyratyn bíryńǵaı kólík-auystyru toraby qūrylady. Sondaı-aq jeńíl avtokólíkterge arnalǵan tūraq salu qarastyrylǵan.