Almatyda «Auyl» partıyasy qalalyq fılıalynyń tóraǵasy Ahmetbek Qońyrbaev «Qazaq analary – Dástúrge jol» qoǵamdyq bírlestígíníń múshelerímen kezdesíp, belsendí analardy partıyanyń 25 jyldyq mereıtoılyq medalímen marapattady, – dep habarlaıdy aqshamnews.kz tílshísí.
Kezdesu barysynda ūlttyq tárbıe men salt-dástúrdí dárípteuge úles qosyp júrgen analardyń eńbegí erekshe ataldy. Sondaı-aq, Ahmetbek Qońyrbaev bírlestík múshelerín «Bıík, alyp, kıelí – Shańyraq» jáne ūzyndyǵy 112 metrlík «Jyldyń tórt mezgílín beıneleıtín syrly syrmaq» tuyndylary arqyly Azıya men Afrıkaǵa arnalǵan Álemdík rekordtar kítabyna eníp, ekí bírdeı rekordtyq kórsetkíshke qol jetkízuímen qūttyqtady.
Jıynda qazaqy qūndylyqtardy jańǵyrtu, analardyń qoǵamdaǵy rólí jáne ūlttyq mūrany keıíngí ūrpaqqa jetkízudíń mańyzy sóz boldy. Ūıym ókílderíníń aıtuynsha, mūndaı bastamalar óskeleń ūrpaqqa ónege beríp, dástúr sabaqtastyǵyn nyǵaıta túsedí.