Almatylyqtardy qoljetímdí baspanamen qamtamasyz etu – ákímdíktíń basty míndetí.
Ásírese, úı kezegínde tūrǵan jáne jaldamaly páter kútíp júrgen azamattarǵa erekshe kóńíl bólínedí. Būl turaly Almaty qalasy ákímíníń orynbasary Beıbít Shahanov Óńírlík kommunıkatsıyalar qyzmetínde ótken brıfıngte aıtty, - dep habarlaıdy Aqshamnews.kz.
Onyń sózínshe, sońǵy jyldary qalada tūrǵyn úı qūrylysy belsendí júríp jatyr. Ūzaq jyldar boıy páter kezegínde tūrǵan tūrǵyndardyń kóbí búgínde óz páterleríne kóshíp aldy.
«Qazír Qalqaman-2 shaǵynaudanynda 594 páterlí 7 úı salynyp jatyr. Kezekte tūrǵan azamattar kelesí jyly jańa páter alady», – dedí ákím orynbasary.
Memlekettík jaldamaly tūrǵyn úı baǵdarlamasy boıynsha búgínge deıín 885 páter satyp alyndy. Jyl sońyna deıín taǵy 2 265 páter alu josparlanǵan.
Eskí úılerdí jańartu jūmystary da jalǵasyp jatyr. Bıyl toǵyz aıda 390 otbasy jańa páterge kóshtí. Keıbír tūrǵyndarǵa jańa páter beríldí, al keıbíríne úıleríníń naryqtyq baǵasyna saı aqsha tólendí.
Almatylyqtar tómendegídeı audandarda jańa qonysqa ıe boldy:
• Túrksíb audanynda – 127 adam,
• Jetísu audanynda – 107 adam,
• Almaly audanynda – 58 adam,
• Alatau audanynda – 42 adam,
• Áuezov audanynda – 26 adam,
• Medeu audanynda – 18 adam,
• Bostandyq audanynda – 12 adam.
Almatyda jyl basynan berí apatty jaǵdaıda tūrǵan 12 ǵımarat súrílse, jyl sońyna deıín taǵy altauy súríledí dep josparlanuda. 2025 jyldyń sońyna qaraı qonys audarǵan tūrǵyndardyń jalpy sany 667-ge jetedí dep kútílude.
«Tūrǵyn úılerdí jóndeu – būl jaı ǵana eskí ǵımarattardy būzu emes, būl qalanyń ekologıyasyn jańartu jáne almatylyqtardyń ómír súru sapasyn jaqsartuǵa baǵyttalǵan keshendí jūmys», - dep atap óttí oblys ákímíníń orynbasary.
Almatyda júzege asyrylyp jatqan tūrǵyn úı qūrylysy men jóndeu baǵdarlamalary megapolıs tūrǵyndary úshín qolaıly jaǵdaı jasauǵa jáne azamattardyń barlyq sanattary úshín tūrǵyn úıge qoljetímdílíktí arttyruǵa baǵyttalǵan.
Almatyda júzege asyrylyp jatqan tūrǵyn úı qūrylysy men jóndeu baǵdarlamalary megapolıs tūrǵyndary úshín qolaıly jaǵdaı jasauǵa jáne azamattardyń barlyq sanattary úshín tūrǵyn úıge qoljetímdílíktí arttyruǵa baǵyttalǵan.