Tótenshe jaǵdaılardy joıý basqarmasynyń basshysy, azamattyq qorǵaý podpolkovnıgi Dmıtrıı Iarsev qutqarý bólimsheleriniń quramy men jabdyqtalýy týraly aqparatpen bólisti, dep habarlaıdy aqshamnews.kz.
Spıkerdiń aıtýynsha, Almatyda eki negizgi qutqarý jasaǵy — Respýblıkalyq jedel-qutqarý jasaǵy (RJQJ) jáne qutqarý qyzmeti jumys isteıdi. Olardyń jalpy quramy 308 adamnan jáne 447 tehnıkadan turady, onyń ishinde úsh tikushaq bar. Kún saıyn 7 birlik tehnıkasy jáne 6 qyzmettik ıti bar RJQJ-nyń 42 qyzmetkeri, sondaı-aq 5 birlik tehnıkasy jáne 13 ıti bar 14 qutqarý qyzmetiniń qyzmetkeri kezekshilikte bolady.
Dmıtrıı Iarsev sondaı-aq «Qutqarýshylar men jolserikterdi taýǵa daıarlaý ortalyǵy», «Lıder KZ» jáne Álpınızm federasıasy sıaqty eriktiler uıymdarymen mańyzdy ózara is-qımyl baryn atap ótti. Búgingi tańda sportshylardy, álpınıserdi jáne kvadrokopterler men jol talǵamaıtyn kólikterdiń ıelerin qosqanda 258 qutqarýshy eriktiler tirkelgen.
– «112» jelisine qońyraý túsken kezde Tótenshe jaǵdaılar basqarmasy izdeý-qutqarý jumystaryna tartylatyn eriktiler uıymdarymen ózara is – qımyldy uıymdastyrady, - dedi Iarsev.
Taýly aýmaqtardyń shalǵaı ýchaskelerinde qaýipsizdikti arttyrý úshin 2021 jylǵy qarashada ákimdik týrıserdiń alǵashqy kómek kezinde qajet apattyq jınaqtaryn taba alatyn 18 taý saıatshylyǵyn ornatty: onda alǵashqy medısınalyq kómek qobdıshalary, zarádtaý stansıalary, jyly kórpeler jáne azyq-túlik jıyntyqtary bar. Úlken jáne Kishi Almaty shatqaldarynda qosymsha baqylaý-qutqarý pýnktteri (BQP) jumys isteıdi, al 2025 jyly Býtakova shatqalynda taǵy bir pýnkt ornatý josparlanýda.
Qutqarýshylar tótenshe jaǵdaılarǵa jedel áreket etý úshin qutqarý qyzmetinde 4 motovezdehod, 2 qarda júretin kólik jáne basqa da tehnıka bar ekenin atap ótti.
– 2024 jyldyń alǵashqy toǵyz aıynda 210 izdeý-qutqarý operasıasy júrgizildi, onyń 208-i taýda. Nátıjesinde 396 adam, onyń ishinde 59 bala qutqaryldy, - dep qorytyndylady qutqarý qyzmetiniń ókili Hozy Búrkitbaıhan.