Búgín saǵat 07:00-de Almatyda 653 saılau uchaskesí ashylyp, jalpyhalyqtyq referendum bastaldy. Aıta keteıík, qala tūrǵyndarynyń bírqatary uchaskelerge ashylar aldynda-aq kelíp, dauys beruge saqadaı saı boldy, – dep habarlaıdy aqshamnews.kz tílshísí.
№8 mektep-gımnazıyasynyń ǵımaratynda bírden ekí saılau uchaskesí — №82 jáne №85 ornalasqan. Uchaskege alǵashqylardyń bírí bolyp Kúmíshaı Esenbaeva keldí. Ol Ūzynaǵashtan arnaıy kelíp, dauys beru qūqyǵyn beretín kuálík arqyly dauys berdí.
"Búgín referendumǵa keluímníń sebebí — ony óz azamattyq boryshym dep sanaımyn", — dedí Kúmíshaı Esenbaeva.
Alǵashqylardyń qatarynda dauys bergenderdíń bírí — almatylyq Dına Utambetova.
" Mūndaı mańyzdy oqıǵa el úshín asa qajet. Sondyqtan alǵashqy bolyp dauys berudí jón kórdím", — dedí Dına Utambetova.
№85 uchaskelík komıssıyasynyń tóraıymy Aınūr Súıíndíkova uchaskede saılaushylar úshín barlyq qajettí jaǵdaı jasalǵanyn aıtty.
— Múmkíndígí shekteulí azamattar úshín arnaıy jaǵdaı qarastyrylǵan. Sondaı-aq kelushílerge arnalǵan fotoaımaq ūıymdastyryldy. Bízdíń uchaskege barlyǵy 1850 saılaushy tírkelgen. Sonyń íshínde 23 azamat búgín alǵash ret dauys beríp otyr. Olar úshín shaǵyn sımvolıkalyq syılyqtar daıyndaldy, — dedí Aınūr Súıíndíkova.