Áleumettík jelíde qant dıabetímen auyratyndardy dárí-dármekpen qamtamasyz etuge qatysty neshe túrlí qaueset tarap jatyr. Almatynyń bas shtattan tys endokrınology Svetlana Bolshakova osy jaǵdaıǵa baılanysty túsíníkteme beríp, tūrǵyndardy sabyr saqtauǵa shaqyrdy.
Onyń aıtuynsha, qant dıabetímen auyratyn nauqastarǵa arnalǵan dárí-dármekter qalanyń barlyq medıtsınalyq ūıymdarynda jetkílíktí eken. Dárí-dármekpen, onyń íshínde ınsulınmen qamtamasyz etude eshqandaı írkílís bolmapty.
Sonymen qatar, alǵash ret qant dıabetí dıagnozy qoıylǵan patsıentter úshín qaladaǵy medıtsınalyq ūıymdar qosymsha ótíním qalyptastyryp, olardy Bíryńǵaı dıstrıbyutor — «SK-Farmatsıya» JShS-ne joldaǵany atap ótíldí.
Būdan bólek, 2025 jylǵy 20 qarashada áleumettík mańyzy bar aurular, sonyń íshínde qant dıabetí boıynsha dárí-dármekpen úzdíksíz qamtamasyz etu maqsatynda qosymsha ótíníshter jınaldy. Qazírdíń ózínde Almatynyń medıtsınalyq ūıymdaryn osy dárí-dármekpen tolyq qamtyp jatyr, jetkízíp beru jūmysyn bıylǵy 26 jeltoqsanǵa deıín ayaqtamaqshy.
Dárí-dármek alu barysynda sūraq tuyp, áldebír qıyndyqtar bolyp jatsa nauqastar eń aldymen ózderíníń medıtsınalyq ūıymyna — patsıentterdí qoldau qyzmetíne júgínuí kerek. Olardyń mekenjaıy men baılanys nómírí Almaty qalasy Qoǵamdyq densaulyq saqtau basqarmasynyń resmı saıtynda jazylǵan.
Eger másele onda da sheshílmeı jatsa, Almaty qalasy Qoǵamdyq densaulyq saqtau basqarmasyna 1312 qysqa nómírí arqyly tíkeleı habarlasa alasyz.