Almaty qalasynyń Ortalyq qalalyq klınıkalyq auruhanasynda polıtravma jáne auyr jambas jaraqattary bar nauqastardy emdeu taktıkasyna arnalǵan halyqaralyq master-klass óttí.
Bír kúnge OQKA Qazaqstan, Germanıya jáne Reseı mamandary úshín aldyńǵy qatarly tásílder men praktıkalyq daǵdylar almasuǵa arnalǵan alańǵa aınaldy, - dep habarlaıdy Aqshamnews.kz.
Oqu protsesíne travmatologtar, hırurgtar, anestezıologtar jáne UDZ-dıagnostıka mamandary qatysty. Proktorlar retínde tanymal sarapshylar - Gamburgten Gleb Korobushkın (Germanıya) jáne Máskeuden hırurg Aleksandr Smolyar shaqyryldy.
Teorıyalyq bólím mazmūndy árí aqparatqa toly boldy. Gleb Korobushkın polıtravma kezínde nauqastardy júrgízudíń zamanauı qaǵıdattary turaly aıtyp, komandalyq jūmystyń jáne uaqtyly aralasudyń mańyzyn atap óttí. Aleksandr Smolyar Damage Control Surgery taktıkasyn ūsyndy, Total Early Care, Damage Control jáne Safe Definitive Surgery tásílderín egjeı-tegjeılí túsíndíríp, ádísterdí klınıkalyq mysaldar arqyly kórsettí.
Praktıkalyq bólím master-klasstyń negízgí bólígíne aınaldy. Qatysushylar jambasqa bandaj salu arqyly tūraqtandyrudy, UDZ apparatynda FAST protokolyn, ANF qoldanu daǵdylaryn, qynap íshílík tamponada elementterín, sondaı-aq jambas artqy bólíkterín bekítudíń zamanauı ádísterín meńgerdí. Mūndaı format dárígerlerge jańa tásílderdí tek tyńdap qana qoımaı, shynaıy jaǵdaıǵa barynsha jaqyn ortada tájírıbede synauǵa múmkíndík berdí.
OQKA travmatologıya bólímíníń meńgerushísí Berík Irǵalıevıch sharanyń mańyzdylyǵyn atap óttí:
«Bízdíń statsıonarda auyr jaraqat alǵan nauqastarǵa shūǵyl kómek kórsetu boıynsha master-klass ótíp jatyr. Bíz Máskeu men Germanıyadan kelgen áríptesterímízdí quana qarsy alamyz. Ís-shara mazmūndy árí paıdaly bolatynyna senímdímíz, jáne tájírıbe almasuǵa daıyn seríktesterímízge alǵys aıtamyz. Alynǵan barlyq bílímdí míndettí túrde tájírıbege engízemíz».
Ís-shara sońynda mamandar polıtravmany emdeudíń negízgí aspektílerín talqylap, tájírıbe almasty jáne zamanauı algorıtmderdí qoldanu boıynsha ūsynystar aldy. Būl óz kezegínde auyr jaraqat alǵan nauqastarǵa kórsetíletín kómektíń sapasyn jaqsartuǵa múmkíndík beredí.