Qarjy monıtorıngí agenttígíníń Almaty qalasyndaǵy departamentí taǵy bír zańsyz ınvestıtsıyanyń jolyn kestí: būl joly azamattardy 8 jyl boıy aldap kelgen azamat qolǵa tústí, - dep habarlaıdy aqshamnews.kz tílshísí.
«Kúdíktí 2013–2021 jyldar aralyǵynda «Partners & Consultants» atty «Ómírdí saqtandyru» jobasy arqyly ómírdí saqtandyru baǵdarlamalary men jınaqtaushy saqtandyru salymdaryna ınvestıtsıya saluǵa bolady degen syltaumen azamattardyń aqshasyn ıemdeníp otyrǵan. Dálírek aıtsaq, ol azamattardan alǵan aqshanyń ústíne 12% syıaqy qosyp beremín dep, aqshalaryn ózíne baǵynatyn «Evroasia Global Investment» AQ jáne «Evropa Investment» JShS shchottaryna saldyryp otyrǵan», - dep habarlaıdy QMA.
Halyqty sendíre túsu úshín ol olardyń qoldaryna oıdan jasap shyǵarǵan halyqaralyq saqtandyru baǵdarlamasy men jalǵan sertıfıkattardy ūstatyp otyrǵan.
«Sol sertıfıkattarǵa sengen 270 azamat 620 mln teńgesín salǵan. Al, kúdíktí ol aqshany qolma-qol aqshaǵa aınaldyryp, qymbat kólík pen qymbat úı satyp alǵan», - dep habarlaıdy QMA.
Qazír kúdíktí qamauda.
