Almatynyń Bostandyq audanynda kóshí-qon zańnamasynyń saqtaluyna baǵyttalǵan reıd barysynda 16 shetel azamaty Qazaqstan Respublıkasynyń aumaǵynan shyǵaryldy, - dep habarlaıdy aqshamnews.kz tílshísí.
Almaty polıtsıya departamentí málímetínshe, tekseru qorytyndysymen barlyǵy 135 adam ákímshílík jauapkershílíkke tartylǵan. Zań talaptaryn óreskel būzǵan 16 sheteldíkke qatysty elden shyǵaru turaly sheshím qabyldandy. Sonymen qatar 27 adam jeke basyn anyqtau úshín qabyldau-taratu ornyna jetkízíldí, al 23 qabyldaushy tūlǵa zań boıynsha jauap berdí.
Reıd barysynda kóshí-qon polıtsıyasynyń qyzmetkerlerí jeke basyn kuálandyratyn qūjattary joq azamattardy anyqtady. Olar SPA-salondardyń bírínde jáne qūrylys nysanynda bolǵan. Qūjattary bolmaǵan barlyq azamat jeke basyn naqtylau úshín qabyldau-taratu ornyna ornalastyryldy.
Almaty polıtsıya departamentí kóshí-qon qyzmetí basqarmasynyń bastyǵy Erkín Amantaevtyń málímetínshe, atalǵan sharalardyń basty maqsaty — shetel azamattarynyń el aumaǵynda zańsyz boluynan tuyndauy múmkín qauípterdíń aldyn alu. Polıtsıya tírkeu talaptarynyń saqtaluyn, elde bolu zańdylyǵyn jáne qabyldaushy taraptardyń jauapkershílígín júıelí túrde tekseru arqyly qaladaǵy qoǵamdyq tártíp pen qauípsízdíktí qamtamasyz etudí kózdeıdí.
