2022 jyldan bastap qalada jylý baǵasy qymbattaýy múmkin
Bul týraly qoǵamdyq tyńdaý barysynda belgili boldy, dep habarlaıdy Almaty-akshamy.kz
Qoǵamdyq tyńdaý barysynda «Almaty jylý jelileri» JSHS komersıalyq dırektory Elmıra Baıchıgasova tabıǵı monopolıalardy retteý komıtetiniń departamentine jylý energıasyn óndirýshi kásiporyndardan tutynýshylarǵa berý tarıfin ózgertý máselesin qaraý týraly ótinish bergenderin aıtty.
Ótinish berýge 2017 jyldan bastap engizilgen tarıftik lımıtter merziminiń bitýi sebep bolyp otyr. Sonymen qatar, óndirýshilerden satyp alynatyn jylý tarıfiniń kóterilýine sáıkes, «Normatıvtik tehnıkalyq joǵaltýlar» baby boıynsha shyǵyndardyń ósýi sebep boldy.
«Ótinim naqty shyǵyndar: salyqtar, kólik shyǵyndary, jalaqy, saqtandyrý, memlekettik qyzmetter, eńbekti qorǵaý, issapar shyǵyndary, baılanys qyzmetteri, keńes berý jáne aýdıt qyzmetteri boıynsha berildi», - dedi kompanıa ókili.
Sonymen qatar, ol QR Ulttyq ekonomıka mınıstrligi Tabıǵı monopolıalardy retteý komıteti sheshim qabyldaǵanǵa deıin jylý tarıfy kóterilmeıtinin atap ótti. Sheshim shyǵarýshy komıtettiń qorytyndysy 30 kúntizbelik kúnnen keıin belgili bolady.