Almatyda dástúrli Coca-Cola jańa jyldyq kerýeni jańartylǵan formatta ótedi. 25-30 jeltoqsan aralyǵynda qala kóshelerinde sıfrlyq elementtermen jabdyqtalǵan merekelik kólikter sherýi uıymdastyrylyp, Jańa jyl maýsymynyń bastalýyna oraı túrli qoǵamdyq aksıalar ótedi.
Almatydaǵy kerýenniń basty ereksheligi – sıfrlyq Santa beınesi bar LED-ekranmen jabdyqtalǵan aldyńǵy júk kóligi bolmaq. Coca-Cola kompanıasy bul jańartylǵan tujyrymdamanyń maqsaty – kerýenniń dástúrli formatyn zamanaýı tehnologıalarmen ushtastyrý ekenin atap ótti.
Kerýenniń negizgi aıaldamasy — Dostyk Plaza saýda ortalyǵynyń aldyndaǵy alań bolady. Munda Jańa jyldyq aýyl uıymdastyrylyp, kelýshilerge arnalǵan taqyryptyq fotoaımaqtar, semplıng aımaǵy, syılyq oraý stansıasy jáne otbasyǵa arnalǵan ınteraktıvti is-sharalar usynylady. Qalanyń birneshe ortalyq ornynda merekelik keskindemeler men brend ónimderiniń dámin tatýǵa arnalǵan shaǵyn aktıvasıalar ornatylady.
Joba aıasynda strategıalyq seriktes te qosylyp, extrazone mobıldi qosymshasyndaǵy utys oıyny úshin avtokólikter usyndy. Bul kólikter merekelik kortej quramyna enip, Coca-Cola kerýeniniń brendtelgen júk kólikteriniń birinde kórsetiledi.
Kerýenniń qala boıynsha qozǵalysyn 2GIS qosymshasyndaǵy «Kartadaǵy dostar» fýnksıasy arqyly baqylaýǵa bolady. Ol úshin Coca-Cola-ny dostar tizimine qosý qajet. Qosylýǵa arnalǵan silteme brendtiń resmı paraqshalarynda jarıalanady.
Bastama Almatynyń Týrızm basqarmasynyń qoldaýymen júzege asyrylyp, Jańa jyl merekesi kezinde qalanyń týrısik tartymdylyǵyn arttyrýǵa baǵyttalǵan.