Almatyda bíreu ıttí shynjyrmen kólíkke baılap, jol boıymen súıregen, - dep habarlaıdy aqshamnews.kz tílshísí.
Mán-jaıy
Áleumettík jelílerde ıttíń adamshoshyrlyq vıdeosy tarady. Onyń moınynda kólíkke baılanǵan shynjyr bolǵan. Vıdeo avtory oqıǵa bıyl 12 aqpanda bolǵanyn, bíreuler ıttí ádeıí baılaǵanyn aıtyp, kómek sūraıdy. Jazbada ıttíń tírí ekení kórsetílgen.
Polıtsıya ne deıdí?
Almaty qalalyq polıtsıya departamentíníń baspasóz qyzmetíníń sózínshe, būl derek boıynsha polıtsıya qyzmetkerlerí tekseru júrgízíp, kólík júrgízushísín anyqtaǵan.
"Kólík ıesí anyqtaldy. Ol januarlarǵa qatygezdík kórsetkení úshín míndettí túrde ákímshílík jauapkershílíkke tartylady", - dep málímdedí PD ókílderí.
Polıtsıya januarlarǵa jasalǵan kez kelgen qatygezdík derekterí belgílengen tártíppen tírkelíp, tergeletínín eske saldy. Azamattardyń barlyq ótíníshí esepke alynady, al būzaqylar qoldanystaǵy zańnama ayasynda jauap beredí.
Jauapkershílík qandaı?
Qazaqstanda januarlarǵa qatygezdík kórsetu úshín ákímshílík te, qylmystyq ta jauapkershílík qarastyrylǵan.
- ÁQBtK-níń 407-1-baby boıynsha mūndaı áreketter úshín aıyppūl 5-ten 40 AEK-ke deıín (2026 jyly 21 625 – 173 000 teńge), qūqyqbūzushylyqtyń auyrlyǵyna qaraı belgílenedí.
- QK-níń 316-baby boıynsha (jaraqat keltíru nemese ólímge ákelu jaǵdaılarynda) aıyppūldar qatańyraq: 120-dan 1000 AEK-ke deıín (2026 jyly 519 000 – 4,3 mln teńge). Būl bap boıynsha eń auyr jaza - 1 jylǵa deıín bas bostandyǵynan aıyru nemese bostandyǵyn shekteu.
