Almatyda iz-túzsiz joǵalyp ketken er adam úsh kúnnen beri izdestirilip jatyr. Bul týraly LIDER.KZ eriktileri Instagram-paraqshasynda bólisti, - dep habarlaıdy Massaget.kz tilshisi.
Mambetov Asqar Ábdýjalıluly, 1978 jyly týǵan, 14 shildede Talǵar aýdanyna qarasty Tuzdybastaý aýylynda joǵalyp ketken. Sol kúni shamamen saǵat 11:30-da ol Berdiǵululy kóshesi, 18a mekenjaıyndaǵy ortalyq meshitten shyqqan.
Kýágerler keıin ony aıaldamada kórgen, ol Almatyǵa baǵyt alǵan №54 avtobýsqa otyrǵan. Sodan beri onyń qaıda ekeni belgisiz.
Belgileri: boıy 165–170 sm, aryq deneli, kózi qara.
Kıimi: qara tústi trıko, qara fýtbolka, qara slansy jáne qara kepka.
Sondaı-aq, er adamnyń baǵyt-baǵdardan adasatyny, psıhıkalyq aýrýǵa shaldyqqany habarlandy.