2025 jyly Áleumettík-kásípkerlík korporatsıya «Almaty» («Almaty» ÁKK) qala aumaǵynda demalys kúnderí 430 jármeńke ūıymdastyrdy.
Jyl boıy megapolıstíń alty audanynda ornalasqan sauda alańdaryna bír mıllıonnan astam almatylyq pen qala qonaqtary keldí.
Almaty oblysynyń Eńbekshíqazaq, Qarasaı, Íle, Talǵar jáne Jambyl audandarynan kelgen 315-ten astam fermer men tauar óndírushí jármeńke sórelerínde 1 000-nan astam ataudaǵy azyq-túlík ónímderín ūsyndy.
Assortımentke kókóníster men jemís-jıdek, et, tauyq etí, balyq, sút jáne shūjyq ónímderí, jūmyrtqa, bakaleya tauarlary, bal, ósímdík maılary jáne basqa da azyq-túlík túrlerí kírdí.
Deldaldardyń bolmauy jármeńke qatysushylaryna ótken jyly 25 myń tonna ónímdí naryqtaǵy ortasha baǵadan 10-15 paıyzǵa tómen baǵamen satuǵa múmkíndík berdí.
Qazírgí uaqytta «Almaty» ÁKK qaladaǵy tórt audanda demalys kúnderí jármeńkeler ūıymdastyryp keledí. Olar ár senbí jáne jeksenbí kúnderí saǵat 09:00-den 18:00-ge deıín ótedí:
• Almaly audany – Masanchı jáne Gogol kósheleríníń qıylysy;
• Bostandyq audany – «Qazaqfılm» shaǵynaudany;
• Áuezov audany – Ótegen batyr kóshesí men Abaı dańǵylynyń qıylysy;
• Medeu audany – Meńdíqūlov pen Bektūrov kósheleríníń qıylysy.
Jetísu audanyndaǵy jármeńkení Kásípkerlík jáne ınvestıtsıyalar basqarmasy ūıymdastyrady. Ol Qūlager shaǵynaudanyndaǵy «Gúlder» sayabaǵy aldynda, osy uaqyt aralyǵynda ótkízíledí.
Bıyl jármeńkelerdí tūraqty túrde qalanyń barlyq audanyn, onyń íshínde Túrksíb, Alatau jáne Nauryzbaı audandaryn qamtu josparlanyp otyr. Būl auyl sharuashylyǵy ónímderíníń, ásírese áleumettík mańyzy bar azyq-túlík tauarlarynyń tūrǵyndar úshín qoljetímdí baǵamen jáne aumaqtyq tūrǵyda teń dárejede ūsynyluyn qamtamasyz etuge baǵyttalǵan.
