Almatyda alǵashqy dauys berushílerge sımvolıkalyq táttí syılyq taratu jaqsy dástúrge aınalǵan. Osyndaı syılyqty Almaly audanyndaǵy №60 referendum uchaskesíne alǵashqylardyń bírí bolyp kelgen Tatyana Vıldanova da aldy, – dep habarlaıdy aqshamnews.kz tílshísí.
"Bíz qūrbymmen bírge uchaskege eń bírínshí bolyp keldík. Azamattyq boryshymyzdy oryndaǵymyz keldí. Tańerteńnen berí erekshe quanysh sezímín sezínudemín. Qazaqstannyń bolashaǵy óz qolymyzda. Estelík úshín suretke túsíp úlgerdík — bíz úshín būl naǵyz mereke", — dedí ol.
Osyndaı syılyqtar №117 jalpy bílím beretín mektepte ornalasqan №197 jáne №202 saılau uchaskelerínde alǵash dauys bergen tūrǵyndarǵa da tabystaldy. Aıta keteıík, mūnda alǵashqy jarty saǵattyń ózínde 20-dan astam adam dauys beríp úlgergen.
"Referendumǵa qatysu — meníń azamattyq boryshym. Men óz dauysymdy berdím. Memleket qazaqstandyqtarǵa mańyzdy sheshímdí ózderí qabyldau múmkíndígín berdí", — dedí saılaushy Aıda Mūsahanova.
Eske salaıyq, jańa Konstıtutsıyany qabyldau jóníndegí referendum kúní Almatyda barlyǵy 653 saılau uchaskesí jūmys ístep jatyr.