Auqymdy jūmystar Jas Qanat shaǵynaudanynda júrgízíldí, dep habarlaıdy aqshamnews.kz tílshísí.
Almatynyń Túrksíb audanynda būryn bos jatqan ekí aumaq kórkeıtílíp, seruendeuge arnalǵan joly, jaryqtandyru júıesí men jasyl jelegí bar jańa demalys oryndary ashyldy. Būl jobalar «Halyq qatysatyn byudjet» baǵdarlamasy ayasynda Jas Qanat jáne Jūldyz-1 shaǵynaudandarynda júzege asyryldy. Būl turaly audan ákímdígíníń ókílderí habarlady.
Jobalardyń basty erekshelígí – būǵan deıín tūrǵyndardyń demaluyna arnalmaǵan aumaqtardyń tolyqqandy qoǵamdyq keńístíkke aınaluy. Būryn bos jatqan jerlerde júrgínshíler joly tóselíp, jaryqtandyru júıesí ornatyldy, kógaldandyrylǵan aumaqtar men belsendí demalys oryndary jasaldy.
Auqymdy jūmystar Jas Qanat shaǵynaudanynda júrgízíldí. Mūnda 20 myń sharshy metrden astam aumaq kógaldandyrylyp, 6 myń sharshy metrge juyq jerge trotuar plıtkasy tóseldí. Sonymen qatar asfalt joldar men rezeńke jabyndysy bar alańdar jasaldy.
Tūrǵyndar úshín 53 jaryq baǵany, sándík jaryq qūrylymy, oryndyqtar, qoqys jáshíkterí men shaǵyn sáulet nysandary ornatyldy. Būdan bólek, skeıt-alań, pergolasy bar demalys orny jáne avtomatty suaru júıesí jabdyqtaldy.
Jūldyz-1 shaǵynaudanynda būryn bos jatqan jerge 950 sharshy metr trotuar plıtkasy, 550 sharshy metr asfalt jáne 298 sharshy metr tartan jabyndysy tóseldí. Jańa kógaldyń aumaǵy 2 530 sharshy metr. Jasyl jelektí kútíp-baptau úshín avtomatty suaru júıesí qarastyrylǵan.
Sondaı-aq aumaqta jaryqtandyru júıesí ornatylyp, pergola, oryndyqtar, qoqys jáshíkterí men shaǵyn sáulet nysandary qoıyldy.
Jalpy, Túrksíb audanynda «Halyq qatysatyn byudjet» baǵdarlamasy ayasynda aula, skver men basqa da qoǵamdyq aumaqty kórkeıtuge baǵyttalǵan 24 joba maqūldanǵan.